Компанијата „Стратеџи“ (Strategy) на Мајкл Сејлор купи биткоини во вредност од 1,9 милијарда долари, што е најголемата аквизиција на криптовалутата во однос на токени од страна на фирмата годинава.
Купувањето, кое е последно во низата на речиси неделни аквизиции на криптовалутата од крајот на октомври, го зголеми држењето на дигитални средства на производителот на софтвер од ерата на дот-ком (dot-com), кој се претвори во прокси за биткоин со левериџ, на околу 43,4 милијарди долари. Тоа е околу 2,5 отсто од сите 21 милион токени што треба да бидат издадени.
Поранешната „Мајкростратеџи“ (MicroStrategy) купи 22.048 биткоини по просечна цена од приближно 86.969 долари од 24 до 30 март, според поднесокот до Американската комисија за хартии од вредност.
Во првиот квартал компанијата со седиште во Вирџинија потроши 7,79 милијарди долари на биткоини, според податоците собрани од „Блумберг“. Следното најголемо купување измерено по токени беше 20.356, објавено на 24 февруари. „Стратеџи“ објави девет купувања во првиот квартал.
„Стратеџи“ го финансираше последното купување со приходите собрани преку програмата за продажба на обични акции на пазарот и понудите на привилегирани акции.
Обичните акции на „Стратеџи“ се зголемија за околу 2.200 отсто откако Сејлор почна да ги инвестира парите на компанијата во биткоин како заштита од инфлација во 2020 година. Биткоинот се зголеми за над 600 проценти во истиот период.
.webp){kind=icon}
