Биткоинот би можел повторно да ја изгуби вредноста доколку на хоризонтот се појават низа технички проблеми. Најголемата криптовалута изгуби повеќе од 50 отсто од својата вредност годинава и сега се движи во опсег од 19.000 до 25.000 долари, ограничена од заострувањето на монетарните политики. Денеска во 6:51 часот на берзата во Лондон вредноста на токенот изнесуваше 21.566 долари.
Податоците покажуваат дека некои инвеститори, за да се заштитат од евентуален пад на вредноста под долното ниво на тргување, плаќаат премии. Во меѓувреме, сезонските обрасци покажуваат дека септември ќе биде месец на тест за оваа криптовалута.
Ова се четири графикони кои ги покажуваат потенцијалните проблеми за исконската криптовалута.
Побарувачка
Инвеститорите сега плаќаат многу повеќе за заштита од пад под 18.000 долари. Имплицираната колебливост на инвеститорите покажува дека тие се подготвени да платат повисоки премии како дел од стратегијата out-of-the-money, скок на кој се подготвени доколку има пад на вредноста на 15.000 долари, каде што е забележан втор најголем пораст во продажбата на т.н put опции кои беа реализирани до крајот на септември.
Зголемена побарувачка на инвеститорите за заштита ако биткоинот падне под 18.000 долари
Сезонски ограничуања
Септември обично е најлошиот месец за биткоинот. Во последните пет години во септември е забележан пад од околу десет отсто.
Цените на биткоинот паѓаат секој септември во последните пет години
Отворен интерес
Податоците за договорите за опции кои истекуваат на крајот на септември покажуваат дека почетната цена со максимална камата е 20.000 долари, така што падот на вредноста може да ги принуди инвеститорите да ги заштитат своите позиции, со што ќе се изврши дополнителен притисок врз цената и во фокус ќе се врати падот од јуни.
Податоците покажуваат дека најголемиот интерес за продажба е на 20.000 долари
Лоши резултати
Биткоинот заостанува зад втората светска криптовалута етер, која зајакна поради најавите за софтверска оптимизација на целата етер-мрежа. Односот на цените на криптовалутите ја тестира зоната за поддршка и падот би значел понатамошно слабеење на биткоинот и лоши резултати.
Однос помеѓу биткоинот и етерот
.webp){kind=icon}
