text size
Американската Комисија за хартии од вредност (СЕЦ) се повлече од правната битка против криптоберзата Бајненес (Binance Holdings Ltd.), што претставува најнов показател за драматичната промена во начинот на кој регулаторот ја надгледува криптоиндустријата.
Регулаторот и коосновачот на берзата Чангпенг Жао во четвртокот поднесоа заедничко барање за прекин на случајот во Окружниот суд на САД за округот Колумбија. Овој потег следува по заедничкото барање во февруари за пауза на тужбата од 60 дена.
Во тоа време СЕЦ и Жао изјавија дека формирањето специјална работна група од страна на тогашниот вршител на должноста претседател Марк Уједа, со цел да се утврди регулаторната политика за криптовалути, е доволна причина за пауза. Работата на таа група може да влијае врз исходот на тужбата.
Прочитај повеќе
Основачот на „Бајненс“ ослободен од притворот во САД
Жао (47) се изјасни за виновен во ноември за неуспехот да спроведе соодветна програма за перење пари во „Бајненс“,
29.09.2024
„Бајненс“ го мерка регионот Адрија
Најголемата криптоберза гледа можности за проширување на бизнисот во регионот Адрија.
21.06.2024
Чангпенг Жао стана најбогатиот затвореник во историјата на САД
Криптовалутата БНБ скокна на рекордно високо ниво во првата недела од четиримесечната затворска казна на Жао во САД.
10.06.2024
Најновиот поднесок бара случајот да се отфрли со предрасуда, што значи дека не може повторно да се поведе, без трошоци или надоместоци за ниту една страна.
Бајненс во објава на X го нарече отфрлањето „огромна победа за криптовалутите“. Компанијата им се заблагодари на претседателот на СЕЦ, Пол Аткинс, и на претседателот Доналд Трамп „за тоа што се спротивставија на регулацијата преку спроведување“.
СЕЦ ја тужеше Бајненс во јуни 2023 година, обвинувајќи ги компанијата и нејзиниот коосновач за неправилно ракување со средствата на клиентите, доведување во заблуда на инвеститорите и регулаторите и за прекршување на американските закони за хартии од вредност. Регулаторот исто така ја обвини Бајненс за понуда на нерегистрирани хартии од вредност на американски инвеститори.
Компанијата и Жао во ноември 2023 година признаа вина за одделни обвиненија за прекршување на законите против перењето пари и американските санкции, при што компанијата се согласи да плати 4,3 милијарди долари. Жао исто така се согласи да плати казна од 50 милиони долари и да се повлече од функцијата извршен директор. Тоа беше резултат на повеќегодишна истрага од страна на Министерството за правда на САД, Комисијата за тргување и Министерството за финансии.
.webp){kind=icon}
