.webp){kind=icon}
НЛБ банка очекува добивка меѓу 70 и 80 милиони евра во последниот квартал годинава. Во гостување во Блумберг Адрија ТВ, главниот финансиски директор Арчибалд Кремзер зборува за очекувањата од работата во наредниот период, откако групацијата ги објави финансиските резултати од работењето ве периодот од јануари до септември.
„На многу добар пат сме да надминеме 300 милиони евра профит на организацијата, што е ветување од нашиот инвеститор и, како што знаете, 100 милиони се очекува да дојдат од Србија и веројатно остатокот би биле од Словенија и остатокот од групацијата. Според тоа, ние се движиме во добра насока и ако ја погледнете цената на акциите, таа реагира позитивно“, вели Кремзер.
Според главниот финансиски директор, последниот квартал вообичаено е доста потежок од другите кога станува збор за трошоците.
Прочитај повеќе
НЛБ груп до септември оствари добивка од 377,8 милиони евра
НЛБ групацијата за девет месеци од оваа година остварила приход од 563,7 милиони евра, што е 13 отсто повеќе во однос на истиот период во 2021 година
10.11.2022
„Ние уште имаме некои трошковни реструктурирања и вообичаено имаме повеќе трошоци за маркетинг. Но, и покрај сѐ, јас очекувам силно тримесечје, во некоја рамка од околу 70-80 милиони, што значи помалку отколку третото тримесечје“, објаснува Кремзер, кој потенцира дека не треба да се заборави дека излеговме од ковид-криза, а тоа претставува одредена нестабилност и во оваа година, а дополнително имаме и енергетска криза и војна.
Финансискиот директор смета дека секоја од членките во групацијата во регионот Адрија има свој придонес во успешното работење.
„Словенечката банка работи многу добро, имаме рекорд во продажбата на хипотекарни кредити и рекорд во финансирањето бизниси. Мислам дека се враќаме во игра на сите пазари. Другите маркети исто така, еве ќе го истакнам и Косово. Србија уште е во транзиција, но исто така веќе покажува резултати и ние сме многу среќни“, вели директорот Кремзер.
Банката најавува нови аквизиции, но не открива детали, иако се подготвува за можните шанси што ќе се укажат на пазарот и веќе активно го скенира пазарот.
Во врска со финансиските резултати, останува високата доза оптимизам во раководството на групацијата.
„Ние уште сме многу оптимистични за 2023 година, иако знаеме дека станува збор за многу лош и нестабилен период на глобално ниво. Сепак, нашиот регион уште може да оствари бенефиција од фактот дека сме блиску до Европа, имаме многу висококвалификувани и добро едуцирани луѓе во нашите земји, а за банките тоа се добри вести, бидејќи има простор за раст дури и во нестабилни периоди. Секако дека ќе останеме одговорни во преземањето чекори. Но и натаму гледаме многу можности и нови проекти што доаѓаат на пазарот, а ние ги поддржуваме“, вели финансискиот директор.
Со оглед на прогнозите за последниот квартал годинава, јасно е дека групацијата чесно ќе надмине добивка од 400 милиони евра, а за следната година целта е 300 милиони евра, исто како и за 2024 година, вели Арчибалд Кремзер, главен финансиски директор на НЛБ.
Инаку, според финансиските податоци за деветте месеци годинава, односно периодот од јануари до септември, НЛБ-групацијата остварила приход од 563,7 милиони евра, што е 13 отсто повеќе во однос на истиот период во 2021 година. Растот се должи главно на поголемиот обем на кредити со повисоки каматни стапки, велат од банката. Нето-добивката заклучно со септември порасна за 84 отсто, на 377,8 милиони евра.
