.webp){kind=icon}
Годината што изминува беше спектакуларно успешна за Гаутам Адани. Тој го симна Мукеш Амбани од тронот за најуспешна личност во Азија, а сега е на третото место на листата на најбогати луѓе на „Блумберг“.
Додека повеќето милијардери изгубија пари во 2022 година, Адани го зголеми своето богатство за 40 милијарди долари.
Како еден претприемач без наследено богатство, кој започнал како трговец со дијаманти во Мумбај, го заработил своето богатство продавајќи јаглен?
Секако, за тоа придонесе и енергетската криза, која доведе до драстично зголемување на цените. Друг фактор беа аквизициите - оваа година Адани направи најмногу договори за преземање од кој било азиски милијардер.
Адани купи дел од производството на градежната компанија „Холцим“ (Holcim Ltd), како и пристаниште во Израел. Тој, исто така, го предводеше непријателското преземање на медиумската куќа НДТВ (NDTV), една од ретките што ја критикуваа владата.
Акциите на неговите компании не останаа имуни на падот на вредноста поради инфлацијата и слабеењето на економијата, но тие пораснаа на годишно ниво, што влијаеше на растот на неговото богатство.
