.webp){kind=icon}
Кириите на Менхетн вртоглаво пораснаа и минатиот месец, а просечната вредност стигна до 4.000 долари за пат во историјата.
Стапките за новите наеми се за 25 отсто повисоки во однос на лани и стигнаа до 4.000 долари, што е рекорд во последните три децении откако проценителната компанија Miller Samuel и брокерската куќа Elliman Real Estate собираат податоци.
Наемнините почнаа да растат од почетокот на годината кога Њујорк почна да излегува од пандемијата. Но, најактивната сезона за барање стан, допрва почнува затоа што сега се населуваат новите дипломирани студени за да почнат да бараат работа, а семесјтвата прават планови пред претстојната учебна година. Со оглед на тоа дека се очекува да расте побарувачката, веројатно ќе дојде и до зголемување на кириите, а со тоа и нови рекордни цени.
„Историски гледано, новите договори за закуп секогаш го достигнуваат врвот во август, што ги зголемува шансите зголемената побарувачка да ги зголеми цените“, вели Jonathan Miller, претседател на компанијата Miller Samuel. „Со други зборови, закупците во текот на летото можат да затекнат и повисоки цени“.
Стапката на слободни работни места на Менхетн, која во просек изнесуваше нешто над два отсто пред пандемијата, се одржува под тоа ниво од декември. Таа стапка порасна на речиси 12 отсто на почетокот на 2021.
Со скромна понуда во огласите, тие кои бараат станови мораа да делуваат брзо за да најдат место. Становите минатиот месец на пазарот биле празни само 52 дена пред да бидат издадени, во однос на април кога просекот изнесувал 68 дена и просечни 107 дена една година порано.
