Банката на Англија соопшти дека луѓето кои чуваат стари хартиени банкноти во вкупна вредност од 14,5 милијарди фунти имаат само 100 дена да ги потрошат или депонираат парите пред да станат безвредни.
Централната банка на Обединетото Кралство соопшти дека околу 477 милиони британски банкноти испечатени на хартија и натаму се во рацете на граѓаните, но ќе престанат да бидат законско средство за плаќање по 30 септември.
„Поголем дел од хартиените банкноти се извадени од оптек, но значителен број, сепак, останува во економијата“, изјави Сара Џон, главната касиерка во Банката на Англија.
Хартиените банкноти се последните од таков вид во Обединетото Кралство. Централната банка започна да печати на полимер сличен на пластика, кој е поиздржлив и има подобрени безбедносни карактеристики.
Во оптек се пари во вредност од 8,2 милијарди фунти од банкнотите од по 50 фунти и 6,3 милијарди фунти од банкнотите од 20 фунти, соопшти Банката на Англија.
Новите полимерни банкноти ги прикажуваат уметникот Вилијам Тарнер и математичарот Алан Тјуринг. По 30 септември, луѓето ќе мора лично да ги заменат хартиените банкноти во седиштето на Банката на Англија во Лондон или преку пошта.
.webp){kind=icon}
Во моментов нема коментари за веста. Биди прв да коментира...