.webp){kind=icon}
Јавните финансии во Франција достигнаа „алармантно ниво“ по растот на каматните стапки, порастот на инфлацијата и се понискиот раст, изјави министерот за финансии, Bruno Le Maire.
Предупредувањето доаѓа во пресрет на обидите на Владата на претседателот Емануел Макрон да преговара со опозициските партии за ребалансот на буџетот за 2022 година откако го изгуби мнозинството во Националното собрание по изборите на почетокот на овој месец.
„Не е се можно, едноставно затоа што го достигнавме алармантното ниво за јавните финансии“, вели Le Marie. „Досега се задолжувавме со 0 отсто или со негативна стапка, но сега се задолжуваме со над два отсто“.
Министерот за финансии исто така рече дека задолжувањето со обврзници поврзани со инфлацијата ќе порасне за „неколку милијарди евра“ заради тоа што цените растат со рекордна брзина.
Пред претседателските избори во април и законодавното гласање во јуни, Владата на Макрон намени околу 25 милијарди евра за таканаречениот “штит против инфлацијата“ за да ги заштити домаќинствата од растечките цени годинава.
Но, Le Maire вели дека предлозите на опозициските партии за натамошно смалување на трошоците за гориво ќе биде „прескапо“ и ќе чини меѓу 20 и 25 милијарди евра.
„Имаме јавни финансии кои мора да се урамнотежат во период од сега до 2027 година и императив е да го намалиме јавниот долг затоа што тоа ги загрозува нашата независност и суверентитет“, вели Le Maire.
