Хеџ фондовите се обложуваат во пад на доларот

Хеџ фондовите ширум светот се свртеа кон обложување на пад на доларот за прв пат од март, бидејќи претпоставуваат дека Федералните резерви на САД (ФЕД) конечно се приближуваат до крајот на циклусот на зголемување на каматната стапка.

Инвеститорите со левериџ поминаа во нето кратка позиција на американската валута разгледувајќи 20.091 договори за неделата која траеше до 7 јули, покажуваат податоците на Комисијата за тргување со фјучерси на стоки, кои ги објави „Блумберг“. Една недела претходно тие беа нето подолги за 5.196 договори.

Bloomberg

Индексот на доларот на „Блумберг“ падна за 1,6 отсто оваа година поради знаците дека ФЕД се приближува кон крајот на циклусот на затегнување во време кога остатокот од светот се уште ги зголемува каматните стапки за да се бори против инфлацијата.

Податоците за работните места во САД покажаа дека работодавците отвориле помалку работни места во јуни отколку што прогнозираа економистите, што ја подигна довербата на оние со мечкина стратегија во однос на доларот и кои се обложуваат дека централната банка ќе започне со олеснување на политиката порано од очекуваното.

„Сега кога податоците за работните места во САД се зад нас, се свртуваме кон извештајот за американскиот индекс на потрошувачки цени (CPI) како следен голем ризик за пазарите“, напиша Крис Вестон, шеф на истражување во „Пеперстоун груп лтд (Pepperstone Group Ltd.) „Пред тоа, видовме дека продавачите на долари ја преземаат контролата, со фокус на парот евро- долар насочен кон повторно тестирање на највисокото ниво на 22 јуни од 1,1012 и парот долар- јен кој е оддалечен 300 пипса (од англиски pip - стандардизирана единица која мери промена на валутен пар на девизниот пазар), од неговиот неодамнешен максимум“.

 

 

 

Во моментов нема коментари за веста. Биди прв да коментира...

Остави коментар