text size
Цените нагоре, платите надолу. По прв пат по неколку месеци, државната статистика денеска објави намалување на просечната плата на месечно ниво. Априлските 31.515 денари, во мај се спуштија на 31.407 денари. Или во проценти: нето платата во мај е за 0,4 отсто пониска во однос на април, а реалната нето плата се намалила за 2,3 отсто.
Најголемо намалување на платите за еден месец има во трговијата на големо и мало, потоа производство на пијалоци, па секторот социјална заштита.
На годишно ниво нето платата бележи раст од 9,4 отсто. Наголем раст во однос на лани бележат платите во производство на облека и кожа (што се должи на законското регулирање на минималната плата)објектите за сместување и сервисни дејности со храна од дури 19.7 отсто, потоа уметност, забава и рекреација за 16.1 отсто и преработувачка индустрија 14.3 отсто.
Сепак, и покрај растот на над девет отсто на нето платата на годишно ниво, реалната плата за истиот период е пониска за 2,3 отсто. Тоа значи дека реалната врендност на просечните примања во земјава се намалува како резултат на растечките цени, главно на енергенсите и храната. Според последната објава на статистика, во јуни инфлацијата стигна до рекордни 14,5 отсто.
Во однос на лани, најмногу поскапуваат освен горивата, најмногу поскапеле основните прехранбени производи. А раст на цените беше забележан и на месечно ниво.
Според Сојузот на синдикатите на Македонија пак, трошоците на просечно домаќинство се зголемиле за 16 отсто и растот на цените е многу побрз од растот на платите во истиот период.
.webp){kind=icon}
