.webp){kind=icon}
Народната банка посочува на разликите меѓу оригиналните и фалсификуваните евра за да се намали ризикот на нашите граѓани што патуваат во странство и кои можат да дојдат во контакт со фалсификувани ковани евра.
„Фалсификуваните евромонети може лесно да се препознаат доколку внимателно се провери дизајнот на предната и задната страна на монетата и нејзиниот раб. Дизајнот на фалсификуваните монети често изгледа заматено, со доста нерамнини и гребаници, а формата им е неправилна. Натписите на рабовите на оригиналните евромонети се остри, заради полесно препознавање од лицата со оштетен вид, додека кај фалсификуваните се нејасни и непрепознатливи, а се разликува и растојанието помеѓу поединечните симболи и зборови“, се наведува во соопштението.
Народна банка
Оттаму наведуваат дека преку употреба на магнет може релативно лесно и едноставно да се утврди фалсификувана кована пара.
„Централниот дел на монетите е изработен од посебен безбедносен материјал, кој поседува слаби магнетни својства, додека надворешниот прстен не поседува магнетни својства. За разлика од оригиналните, фалсификуваните монети имаат изразено силни магнетни својства или, пак, воопшто немаат“, посочуваат од Народната банка.
