Растат шансите за претходно незамисливиот паритет меѓу фунта и долар

Станува се' поизвесно дека ќе се случи тоа што некогаш беше непоимливо, фунтата да се изедначи со доларот. Опасноста од рецесија, акутната зависност од странски капитал, се' поголемите задолжувања и се' поголемата можност дека ќе биде ограничена независноста на британската централна банка Банк оф Енгланд (Bank of England), се лоши вести за британските недвижнини, бидејќи валутата и обврзниците се во незгодна позиција.

Ако се погледнат податоците, тешко е да се извлече оптимистички заклучок. Ситуацијата изгледа тешко.

Обединетото Кралство се соочува со истиот предизвик како и другите земји, но со дополнителна потешкотија поради своите специфични проблеми. Инфлацијата порасна по спроведување на пандемиските политики, а следуваше и зголемување на каматните стапки на ниво на кое што не биле со години. Во следните месеци се очекува забавување со оглед на економските показатели, а нема да биде потребно долго време додека ОК почне да се соочува со рецесија.

Британските проблеми ги зголемува и растечкиот дефицит во платниот биланс. Државата долго се обидува да го одржува високиот дефицит, а тој и натаму се продлабочува.

Буџетскиот дефицит исто така е висок. Поради растечките трошоци за енергија, што веројатно тамошното Министерство за финансии ќе мора да ги субвенционира, ОК се соочува со сличен предизвик како и другите европски земји. Обединетото Кралство не е директно зависно од рускиот плин, но е индиректно изложено на опасност со оглед на тоа дека енергетската зависност на другите земји е околу 35 отсто.

Ако тоа се додаде на дефицитот на платниот биланс, тогаш се доаѓа до фактот дека Британија го има еден од највисоките дефицити во светот.

Во добри времиња тоа и не претставува така голем проблем. Но, кога е на повидок нагло забавување на растот, пристапот на најголемите пазари за извоз е преполн со нови предизвици, а валутата како резервен имот постојано паѓа.

И како сето тоа да не е доволно, па британскиот долг наскоро може да се продлабочи уште повеќе. Дури 24 отсто од државниот долг е поврзан со инфлацијата.

Лиз Трус, за која се предвидува дека ќе стане премиерка на 5 септември, се залага за ревизија на планот на централната банка за зголемување на каматната стапка.

Британската фунта и американскиот долар се едни од најстарите валутни парови, кои имаат историјат подолг од 250 години, но сега во игра е нов момент, На фунтата и се заканува достигнување на најниската вредност од 1,05 долари до крајот на годината. Веројатноста дека тоа ќе се случи е 1 спрема 7. Иако на почетокот од оваа година шансите за тоа беа 1 спрема 32 и делуваше како фантација, сега паритетот на фунтата и доларот се чини како разумна можност.