Цената на златото напредуваше во Азија благодарение на послабиот долар и падот на државните обврзници поради зголемената загриженост дека глобалната економија би можела да западне во рецесија.
Ова беше интересна година за златните прачки. Цените паднаа за речиси 20 отсто од март, бидејќи Федералните резерви (ФЕД) агресивно ја заострија својата монетарна политика, што ги натера инвеститорите да побараат засолниште во американскиот долар. Благородниот метал, кој вообичаено има негативна корелација со доларот и девизните курсеви, беше под притисок од посилната „зелена банкнота“.
Златните прачки годинава се најдоа под притисок на посилниот американски долар / Bloomberg
Потегот на министерот за финансии Џереми Хант да го раскине она што остана од контроверзната економска програма на премиерката, за повторно воспоставување на ред во јавните финансии на Велика Британија, во понеделникот ги поттикна фунтата и државните обврзници, што доведе до намалување на приносите на американскиот долар и државните обврзници. Тоа му помогна на златото, кое во текот на сесијата порасна за цели 1,5 отсто.
Златните прачки сè уште се тргуваат близу најниското месечно ниво поради загриженоста од острата политика на ФЕД за смирување на горливата инфлација што го оптоварува металот. Во Кина, претседателот Си Џинпинг даде неколку знаци за пауза во стратегијата „нулта ковид“ и понатамошна поддршка за болниот сектор на недвижности.
„Неодамнешните економски податоци не дадоа причина за голем оптимизам, но тоа би можело да се смени во текот на следните месеци бидејќи централните банки сега сигурно не се далеку од нивните терминални стапки“, посочи во белешка Крег Ерлам, висок пазарен аналитичар во Oanda Europe Ltd.
GOLDS:COM
GOLD SPOT $/OZ
1.656,12 USD
+6,0330000000001 +0,37%
почетна цена
1.650,09
претходна цена на затворање
1.650,09
промена од почетокот на годината
-9,5795976383118%
дневен опсег
1.649,02 - 1.660,94
опсег на 52 недели
1.614,96 - 2.070,44
Цената на златото може да се движи помеѓу 1.680 и 1.700 долари за унца, додава тој.
Спот златото поскапе за 0,4 отсто на 1.656 долари за унца во 12:20 часот во Сингапур, откако во понеделникот заврши со раст од 0,3 отсто. Долар спот индексот на Bloomberg падна за 0,3 отсто.
.webp){kind=icon}
