Виетнам, најголемиот светски одгледувач на „Робуста“ сортата на кафе, што се користи за инстант кафе и еспресо, е на прагот да оствари поголем принос, а со тоа да ја зголеми понудата на светско ниво и да го засили притисокот врз цените, кои веќе паднаа за повеќе од 10 проценти во последните два месеци.
Петте покраини во Виетнам каде се наоѓаат најголемите појаси за одгледување кафе во таа земја, очекуваат дека ќе произведат повеќе од 1,8 милиони тони зрна во жетвата која штотуку почнува. Тоа е значајно повеќе од минатогодишниот принос од 1,76 милиони тони, покажуваат податоците на Блумберг.
„Сметам дека 1,8 милиони тони ќе бидат најголема количина произведено кафе до сега во овој регион. Тоа би било колку што вкупната нација произведува во просек“, рече Трин Дјук Мин, раководител во „Buon Ma Thuot Coffee Association“ во една од виетнамските покраини.
Прочитај повеќе
Горкото кафе никогаш не било поисплатливо
Поскапувањата очигледно ќе им го „згорчија“ животот на голем број граѓани на кој утринското кафе им е редовен ритуал
07.10.2022
Поволното време и обновата на старите стебла го зголемија приносот. Петте најпознати провинции за кафе учествуваат со 90 проценти во вкупното национално производство.
Bloomberg Mercury
Зголемото производство конечно носи добри вести за љубителите на кафе. Во Бразил, најголемиот светски одгледувач на сортата „Арабика“ се соочува со ослабени стебла и пад на производството поради мразот и сушите во последните две години. А, обновата на плантажите трае повеќе години.
Намалените залихи во февруари годинава ја покачија цената на арабиката во Њујорк на највисоко ниво во последната десетина години. Цената на робустата последниот декември го достигна највисокото ниво од 2011 година, но во текот на оваа година падна за 16 проценти.
Сите пет провинции предвидуваат поголеми приноси на робуста, а меѓу нив Лам Донг е вториот по големина одгледувач. Добрите резултати тамошниот директор на секторот за земјоделство ги припиша на високоприносните сорти отпорни на штетници, зголеменото производство на поновите садници и примената на новите технологии, како автоматско наводнување и опрашување.
Почнува жетвата
Во некои региони жетвата започна селективно уште во текот на минатиот месец, додека во некои ќе почне дури во ноември. Токму последните два месеци од годината се сметаат за врв на бербата. Но, постои опасност дека обилните дождови кои се предвидуваат за тој период би можеле да наштетат на напредокот и квалитетот на зрното, предупредуваат локалните власти. Според анализите на тамошните метеоролошки станици, дождовите може да бидат двојно пообилни од историскиот просек во ноември, а во текот на декември се очекуваат врнежи за околу 40 проценти пообилни од просечните.
Потенцијалниот недостиг од берачи, исто така, ги загрижува локалните власти во дел од покраините. Ако нема доволно берачи, тоа може да резултира со пад на квалитетот на зрната, велат надлежните.
.webp){kind=icon}
