text size
Гас има за уште неколку дена, но власта уверува дека скопјани нема да останат без парно греење. Виктор Андонов, советникот на прмеиерот Ковачевски за енергетика, вели дека во наредните неколку дена ќе се знае која компанија ќе го набавува гасот.
„Би сакал да напоменам дека грејната сезона почна навреме и се одвива без прекини во испораката и технички проблеми. Ве уверувам дека и во ноември топлина ќе има, а како таа ќе биде обезбедена ќе се знае во наредните неколку дена“, вели Андонов.
На јавниот повик на ЕСМ се јавија три компании. Тие доставиле информативни понуди, па државното електростопанство побарало дополнителна документација за да се утврди дека тие се сериозни. Меѓу документите што се бараат се договори за техничка соработка, документација за обебзедените количини гас, а треба да достават и гаранции.
Нема решение ни за снабдување на училиштата и болниците со поевтина струја
Владата се уште не го решила ни проблемот со скапата струја за установите од образование, здравство и јавно – комуналните претпријатија кои обезбедуваат вода за пиење.
Тие наместо да се вратат на регулиран пазар, со струја ќе се снабдуваат преку ЕСМ продажба, но најпрво Владата ќе утврдува колку количини ќе им бидат потребни и колку пари ќе чини тоа.
Откако ќе ги направат пресметките, ќе може да се дискутира и за тоа од каде ќе се снабдуваат со струја – односно дали таа ќе биде домашна или сепак, ЕСМ продажба ќе ја увезува за да ги задоволи нивните потреби.
„Се прават напори да се зголеми домашното производство. Нашата цел е струја да обезбедиме од домашни извори. Но, во оној момент кога ќе знаеме кои количини ни се потребни ќе знаеме дали тоа ќе биде од увоз или не“, вели Андонов.
Инаку, владата денеска најави дека на дневно ниво ќе соопштува податоци за производството и увозот на струја во земјава. Во денешниот енергетски биланс стои дека целата струја што се трошо денеска е од домашно производство.
Влада на С. Македонија
.webp){kind=icon}
