Откако минатиот викенд Русија се повлече од договорот за извоз на житни култури и сигурно и безбедно пловење на бродовите низ Црно Море, руското министерство за одбрана денеска соопшти дека Москва сепак ќе се врати на договорот.
Русија ја прекина својата соработка во текот на викендот, кога порача дека не може да ја гарантира безбедноста на цивилните бродови што пловат во Црно Море, поради можни напади на нејзината морска флота. Да потсетиме, по објавата на Русија дека излегува од договорот, цените на пченицата драстично скокнаа.
Русија во саботата објави дека се повлекува од договорот за извоз на житни култури поради, како што потврди, големиот напад на дронови врз пловила на пристаништето Севастопол, на полуостровот Крим, кој Русија го анектира од Украина во 2014 година. Руското министерство за одбрана соопшти дека нападот е изведен под водство на стручна британска морнарица. Велика Британија ја демантира вмешаноста.
Русија ќе ги повика британските власти на разговор во Москва поради вмешаност на британските експерти во нападот со украински дронови на нејзината црноморска флота во Крим, соопшти руското министерство за надворешни работи (МНР).
„Овие акции се изведени под водство на британски стручни лица и поради тоа наскоро британските службеници ќе бидат повикани во руското министерство за надворешни работи“, рече портпаролката на руското МНР, Марија Захарова.
.webp){kind=icon}
