.webp){kind=icon}
Многу од светските рафинерии на нафта се обидуваат да ги обезбедат испораките на сурова нафта од Блискиот Исток за следната година, плашејќи се од тоа што може да се случи со извозот од Русија.
За помалку од еден месец, на речиси сите компании во Европската унија ќе им биде забрането да купуваат поморски товари од Русија - обид на 27-члениот блок да го казни Кремљ за инвазијата на Украина.
Влијанието од ограничувањата ќе стане појасно дури откако мерките ќе стапат на сила, но веќе се шпекулира дека рускиот извоз на нафта ќе се намали. Таа неизвесност поттикна најмалку девет трговци и рафинерии во Азија и Европа да се обидат да го задржат или зголемат износот што го добиваат од Блискиот Исток, по таканаречените фјучерс договори. Официјални лица во Азија велат дека нивните барања се исполнети. Но, со оглед на тоа што Саудиска Арабија и другите производители во регионот ветија дека ќе го намалат производството, нема гаранција дека секој купувач ќе има толку среќа.
„Повеќето азиски рафинерии, вклучително и нашата компанија, се обидуваат да го задржат истото количество сурова нафта од Блискиот Исток, а може и да има зголемување “, изјави Лин Кех-Јен, портпарол на тајванската компанија „Формоза петрохемија“.
„Доколку европските земји почнат да ја купуваат суровата нафта од Блискиот Исток, ќе има поголема конкуренција на спот-пазарот. Ова би можело да значи зголемена конкуренција во САД, Северното Море, па дури и од Персискиот Залив. Покрај забраната за увоз во Европа, ЕУ, исто така, вети дека ќе го забрани осигурувањето, посредувањето и превозот насекаде во светот - освен ако предметната нафта не се купи според програмата за ограничување на цените.
Групата седум индустриски развиени земји сè уште не одлучила за нивото на таа граница, што создава дополнителна неизвесност. Нафтата поскапе за повеќе од 25 отсто оваа година и покрај тоа што американскиот претседател Џо Бајден го надгледуваше историското извлекување од 180 милиони барели од американските стратешки нафтени резерви. Не се создава чувство на итност кај рафинериите. Постои мрачна перспектива за побарувачката поттикната од рецесискиот притисок и постојаните карантини заради вирусот во Кина.
Со сè помалку руска нафта што оди кон Атлантикот, Европа се приближува кон Азија. Во исто време, Европејците сè повеќе купуваат нафта од Северното Море и Казахстан. Иако постојат ограничувања за купување од Блискиот Исток, дополнителни количини може да дојдат и од Обединетите Арапски Емирати и од неутралната зона што ја делат Кувајт и Саудиска Арабија. Сепак, може да има ограничување на тоа колку производителите од Заливот можат да понудат
