.webp){kind=icon}
Бакарот е на чекор до најголемиот месечен пораст од април 2021 година, бидејќи инвеститорите се обложуваат дека Кина може да ја олабави политиката на нулта ковид и да ја поттикне побарувачката во економијата што најмногу троши метали.
Цената порасна за околу 10 проценти на лондонската берза на метали во ноември, прекинувајќи ја загубата од седум последователни месеци.
Движењето на цената на бакарот на месечно ниво / Bloomberg Mercury
Кина се залага за поголема вакцинација на постарите жители, поттикнувајќи шпекулации за натамошно ублажување на ковид-правилата, кои зедоа голем данок од економијата. Мерките ја поткопаа побарувачката за метали во текот на целата година, додавајќи спротивставени ветрови предизвикани од европската енергетска криза и строгата монетарна политика на Федералните резерви. И двата елемента покажаа знаци на попуштање овој месец, подобрувајќи ги прогнозите за бакарот.
Сепак, поради ситуацијата со ковид во Кина, заедно со домашниот поттик и ограничувањата на физичките резерви, ќе се зголеми нестабилноста на цените на бакарот, наведува институтот „Кеос тернери рисрч“ (Chaos Ternary Research Institute).
Бакарот порасна за 1,8 отсто, на 8.180,50 долари за тон. Алуминиумот, цинкот и оловото пораснаа и се на чекор до месечни добивки.
