.webp){kind=icon}
Цената на природниот гас за декември ќе се намали за 100 евра за 1.000 нормални метри кубни, во однос на цената во неомври годинава, извеси денеска „Макпетрол“ АД Скопје. Компанијата ја формира цената согласно договорот со „Гаспром експорт“, како и движењето на цената на природниот гас на светските берзи.
„Воедно, сакаме да информираме дека малопродажната цената на погонското гориво за моторни возила, метан (CNG), кој се продава на бензинските станици на Макпетрол се намалува за 11 денари за килограм, во однос на цената од минатиот месец која изнесуваше 134,5 денари за килограм, односно новата цена ќе биде 123,5 денари за килограм или 88 денари за литар, соопштија од компанијата.
Во меѓувреме, како што јавивме утрово, цените на природниот гас во Европа растат како што доаѓа бранот на ладно време. Тоа би требало да ја поттикне побарувачката и да ја тестира подготвеноста на регионот за зима со ограничени резерви.
„Референтните термински цени пораснаа дури за 5,2 отсто, на највисоко ниво од 13 октомври. Температурите низ Европа веројатно ќе паднат овој месец, по релативно топлиот ноември, а условите може да бидат пониски од просекот“, сметаат од „Максар технолоџис“ (Maxar Technologies Inc) и „Марекс“ (Marex).
Засега кинескиот апетит за овој енергент е ограничен поради благата економска ситуација. Таму увозот на природен гас до октомври опадна за 22 процента.
Холандските термински договори, како мерило за Европа, утрово пораснаа за 4,5 проценти, на 153 евра за мегават-час.
