.webp){kind=icon}
Цената на дизел горивото од ноќеска на полноќ се зголемува за половина денар по литар, одлучи денеска Регулаторната комисија за енергетика и водни услуги (РКЕ). Освен дизелот, за половина денар поскапува и екстра лесното масло за домаќинство.
Со денешната одлука на РКЕ мазутот поевтинува за 0,137 денари за килограм.
Новата малопродажна цена на ЕУРОДИЗЕЛ (Д-Е V) ќе изнесува 81 денари за литар, на Екстра лесното масло за домаќинство на (ЕЛ-1) 79 денари за литар, а Мазутот М-1 НС ќе чини 39,233 денари за килограм. ЕУРОСУПЕР БС – 95 и понатаму ќе се продава за 76, а ЕУРОСУПЕР БС – 98 за 78,5 денари за литар.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 0,374 отсто, кај дизелот има зголемување за 1,445 отсто, кај екстра лесното масло зголемување за 1,59 и кај мазутот зголемување за 0,081 отсто. Курсот на денарот во однос на доларот во е понизок за 0,171 отсто.
