Француската компанија за дистрибуција на електрична енергија Electricite de France SA (EДФ) објави соопштение во кое се наведува дека некои нуклеарни реактори ќе бидат ставени во функција со четиримесечно задоцнување поради ремонт. Ова дополнително ќе предизвика потешкотии за енергетските системи на Франција и соседните земји.
Рестартирањето на електраната Пенли-2 ќе биде одложено од 29 јануари до 11 јуни, а централата Голфеч-1 ќе биде во функција од 11 јуни наместо од 18 февруари, соопшти компанијата денеска.
Нуклеарната централа Шатеном-3 ќе биде пуштена во употреба на 26 март, триесетина дена по првичниот рок, а Циво-2 ќе започне со работа со уште поголемо задоцнување, на 19 февруари.
Подолгото траење на работите и непланираните поправки на цевководите ги намалуваат производните капацитети на ЕДФ, Франција ја претвораат во увозник на струја, а доскоро беше еден од најголемите извозници. Компанијата исто така предупреди дека може да има недостиг на енергија во постудените месеци, кога побарувачката се зголемува.
ЕДФ во петокот објави дека стартувањето на новиот нуклеарен реактор на западот на Франција ќе биде одложено за неколку месеци во 2024 година поради потребата од дополнителна работа. Проектот се одложува повеќе од една деценија.
.webp){kind=icon}