Нафтата се стабилизира по пет дена раст пред објавувањето на клучните податоци за инфлацијата во САД, бидејќи купувањето во Кина расте пред празникот лунарна Нова година.
ВТИ (West Texas Intermediate) се тргуваше близу 77 долари за барел, откако затвори за 3,1 отсто повисоко во претходната сесија. Инвеститорите внимателно го следат индексот на потрошувачки цени што ќе биде објавен денеска, а кој ќе даде индиции за натамошниот пат на монетарното затегнување во САД.
Bloomberg Chartmaker
Купувањето сурова нафта во Кина откако Пекинг издаде големо количество увозни квоти додаде оптимистичка перспектива за побарувачката. Потрошувачката во најголемиот увозник би требало да закрепне откако беше прогласен крај на националната политика за нулта ковид.
Постои „зголемен оптимизам околу кинеската побарувачка“, рече Џејмс Вистлер, директор на „Ванир глобал маркетс“ (Vanir Global Markets Pte) во Сингапур. „Физичките пазари се активно поттикнати од кинеските купувачи“, додаде тој.
Неодамнешните добивки на нафтата се забрзаа по грубиот почеток на годината поради стравувањата од глобално економско забавување.
Цени:
- ВТИ за испорака во февруари беше стабилна на 77,47 долари за барел, во 11.38 часот, во Сингапур.
- Брент за март доживеа мали промени на 82,70 долари за барел.
Брентот би можел да достигне 110 долари за барел до третиот квартал доколку Кина и другите азиски економии целосно се отворат по ограничувањата за ковид, според Џеф Кари, раководител за истражување на стоки во „Голдман Сакс“ (Goldman Sachs Group Inc). Главниот менаџер на хеџ-фондови Пјер Андуранд минатата недела изјави дека нафтата оваа година би можела да надмине 140 долари.
.webp){kind=icon}
