.webp){kind=icon}
Цените на европскиот природен гас забележаа неделна загуба, бидејќи благите временски услови ја ограничуваат побарувачката, а клучниот капацитет за извоз на течен природен гас во САД се подготвува да продолжи со транспортот.
Референтните фјучерси оваа недела паднаа за 6,8 проценти, иако цените денеска се зголемија поради големиот прекин во Норвешка. Изгледите за потопли температури и дополнителните резерви помагаат да се олесни енергетската криза во Европа во пресрет на последниот дел од зимата.
Од терминалот за извоз на течен природен гас „Фрипорт“ во Тексас, кој беше затворен по пожарот во јуни, ги информираа клиентите дека планираат да продолжат со некои пратки уште утре, јавуваат извори директно запознаени со ова прашање. За целосно рестартирање на објектот се потребни дополнителни регулаторни одобренија.
Американските резерви на течен природен гас беа од витално значење за Европа да ја замени руската енергија и да создаде резерви. Капацитетите за резерви на гас во регионот се исполнети околу 68 проценти, што е значително над петгодишниот сезонски просек. Тоа помогна фјучерсите да поевтинат за околу 30 проценти од почетокот на годината.
„Цените паднаа бидејќи премијата за ризик избледе поради здравите нивоа на складирање гас во Европа, поттикнати од послабата побарувачка и силниот прилив на течен природен гас. За да се пополни јазот меѓу понудата и побарувачката на гас што го создаде намалувањето на рускиот извоз, регионот ќе мора да привлече уште поголеми количества течен природен гас и да го урне рекордот на увоз од 2022 година“, изјави Дипа Венкатесваран, аналитичар во „Сенфорд Бернштајн“ (Sanford C Bernstein & Co).
Европа гради нови терминали за увоз, при што капацитетот за гасификација на регионот се очекува да се зголеми за 19 проценти до крајот на 2023 година. Пазарот останува чувствителен на какви било ризици.
Норвешкиот мрежен оператор „Гаско“ (Gassco) објави непланиран прекин на работата на џиновското поле Трол поради проблеми со процесот. Иако прекинот се очекува да трае до сабота, точното времетраење сепак е неизвесно.
Bloomberg Mercury
Холандскиот гас, кој претставува мерило за Европа, порасна за 2,3 проценти, на 53,95 евра за мегават-час. Еквивалентот на Обединетото Кралство исто така се зголеми. Германската моќност за следниот месец порасна за четири проценти.
