text size
Нафтата ги продолжи загубите пред објавата на клучните податоци за инфлацијата, бидејќи најголемиот колапс на американска банка од 2008 година продолжи да се бранува низ финансиските пазари.
ВТИ се тргуваше под 74 долари за барел, откако вчера затвори за 2,5 проценти пониско по нестабилната сесија на тргување. Утрово ВТИ ја продолжи негативата со дополнителен пад од 1,2 отсто и сега се тргува по цена од 73,91 долари за барел, додека нафтата брент падна за 1,1 отсто и сега барел чини 79,85 долари.
Инвеститорите ќе го следат индексот на потрошувачки цени што треба да се објави во текот на денешниот ден, со цел да добијат насоки за следните чекори во однос на монетарното затегнување, иако облозите се зголемуваат дека Федералните резерви (ФЕД) нема да ги зголемат каматните стапки следната недела поради последиците од падот на банката во Силициумската Долина, „Силикон валеј банк“ (SVB / СВБ).
Показателот за тоа колку се подготвени трговците да платат повеќе за договори што профитираат од падот на цената, а не од порастот, вчера, среде пазарните превирања, се искачи на највисоко ниво од средината на август.
Bloomberg Mercury
„Нафтата не можеше да го избегне прелевањето од колапсот на СВБ. Сè уште има многу простор за понатамошна нестабилност на краток рок со претстојните податоци во САД“, рече Ворен Патерсон, раководител на стратегии за стоки за ИНГ (ING Groep NV).
Суровата нафта имаше нестабилна година, додека трговците беа растргнати меѓу загриженоста за глобалното економско забавување и оптимизмот околу враќањето на побарувачката на Кина, најголемиот увозник на нафта во светот, откако нацијата стави крај на политиката за нулта ковид.
Мерката за нестабилност за ВТИ вчера вртоглаво се зголеми. Организацијата на земји извознички на нафта, ОПЕК, денеска треба да го објави својот месечен извештај за пазарот, додека тој на Меѓународната агенција за енергетика ќе следува утре. Сето тоа ќе ја оформи сликата за изгледите за понуда и побарувачка на пазарот на нафта во наредниот период.
.webp){kind=icon}
