.webp){kind=icon}
Гасоводот „Северен тек 1“, кој испорачува гас од Русија преку Балтичкото Море до Европа, би можел да биде ставен во мирување поради проблеми со поправка на неговите турбини во Канада.
„Гаспром“ завчера соопшти дека ги ограничил испораките преку Германија на 100 милиони кубни метри дневно, наведувајќи го како причина доцнењето во враќањето на опремата испратена на поправка.
„Единицата за компресор за гас не била навреме вратена од поправка. Како резултат на тоа, сега може да се испумпува само до 100 милиони кубни метри гас преку гасоводот секој ден, или околу 60 проценти од претходно планираниот дневен волумен од 167 милиони кубни метри гас“, соопшти компанијата.
Прочитај повеќе
„Гаспром“ ја намали испораката на гас за Италија за 15 отсто
Московскиот „Гаcпром“ соопшти дека го намалува протокот преку Северен тек, клучен гасовод за извоз на руски гас во Европа, за 40 отсто
15.06.2022
Огромен магацин за гас во Австрија зимава може да остане празен
Подземниот магацин е лоциран во Австрија, но поврзан е само со германската мрежа веројатно нема да се пополни
27.05.2022
Низ Европа расте загриженоста откако Русија го прекина снабдувањето со гас за неколку земји кои се спротивставија на нејзината инвазија врз Украина. Европа во голема мера се потпира на рускиот гас и се бори да најде алтернативни извори.
Сепак, многу земји сè уште купуваат руски гас, што помага да се одржи руската економија.
За Германија, „Северен тек 1“ е главниот цевковод за снабдување со руски гас. Гасот веќе престана да се испумпува низ гасоводот Јамал-Европа. Значително е намален и транзитот на руски гас низ Украина.
