Суровини

Цената на нафтата падна по тридневниот силен раст

Извор: Yongchang Chin/Bloomberg

23 март 2023, 09:26

ВТИ за испорака во мај утрово падна за 0,9 отсто, на 70,29 долари

ВТИ се намали до 70 долари за барел, откако порасна за околу шест отсто во првите три дена неделава

Нафтата брент загуби 0,7 отсто од вредноста, со што барел чини 76,12 долари

Цената на нафтата падна по тридневниот силен раст

Bloomberg Mercury

Цената на нафтата падна додека инвеститорите ги одмеруваат прогнозите за политиката на Федералните резерви (ФЕД) по новото покачување на каматите и мешаната слика на понуда и побарувачка во САД.

ВТИ за испорака во мај утрово падна за 0,9 отсто, на 70,29 долари. Нафтата брент, исто така за испорака во мај, загуби 0,7 отсто од вредноста, со што барел чини 76,12 долари.

Фјучерсите на ВТИ за мај се намалија до 70 долари за барел, откако пораснаа за околу шест проценти во првите три дена од неделата.

Претседателот на ФЕД, Џером Пауел, советуваше дека може да се очекуваат повеќе затегнувања по растот од 25 базични поени во средата и додаде дека стапките нема да се намалат оваа година. Коментарите дојдоа на помалку од две недели по најтешката банкарска криза од 2008 година.

Привлечноста на ризичните средства, вклучувајќи ги и стоките, исто така беше нарушена откако министерката за финансии Џенет Јелен рече дека регулаторите не се обидуваат да обезбедат општо осигурување на депозитите за да го стабилизираат банкарскиот систем без соработка со законодавците, враќајќи го фокусот на кревкоста на финансиските институции.

 

„Јасно е дека макроекономијата ќе остане клучен двигател за насоката на цените на краток рок. Коментарите на Јелен поврзани со целосното осигурување на депозити се чини дека извршија нов притисок врз ризичните средства, вклучувајќи ја и нафтата“, рече Ворен Патерсон, раководител за стратегија за стоки во ИНГ (ING Groep NV).

Суровата нафта се движи кон најсилен пад во првото тримесечје од 2020 година, кога пандемијата ја загрози побарувачката. Падот е поттикнат од загриженоста за потенцијална американска рецесија, силните руски текови и покрај санкциите од Западот, како и од банкарската превирања. Сепак, има знаци на силна побарувачка во Азија, бидејќи Кина закрепнува откако нацијата кон крајот на минатата година ја отфрли политиката на нулта ковид.

Резервите на сурова нафта во САД се искачија на највисоко ниво од мај 2021 година, покажаа податоците на Управата за енергетски информации. Сепак, извозот на нафта скокна на рекорд, а резервите на бензин повторно се намалија.

Нафтата значително поевтинува додека Израел напаѓа воени цели на Иран
Суровини

Нафтата значително поевтинува додека Израел напаѓа воени цели на Иран

Конкретно, нафтата брент за испорака во декември утрово падна за 6,2 отсто, на 71,37 долар, додека нафтата ВТИ за испорака во декември се лизна за 6,4 проценти, со што барел се тргува по цена од 67,22 долари.

28.10.2024

Сите новости од рубриката Пазари

Пазари

Страв меѓу инвеститорите, берзите крвават, длабоки загуби на криптопазарот
Берзи

Страв меѓу инвеститорите, берзите крвават, длабоки загуби на криптопазарот

Откако „Блумберг“ објави дека администрацијата на Трамп има намера дополнително да го ограничи пристапот на Кина до полупроводници (чипови), денешното тргување во Азија заврши главно во минус.

25.02.2025

Автор: Aleksandar Lukić

сите новости од рубриката Пазари