.webp){kind=icon}
Цената на нафтата порасна додека трговците очекуваа голем број пазарни податоци што ќе ги расветлат трендовите на понудата и побарувачката откако Организацијата на земји извознички на нафта и нивните сојузници (ОПЕК+) го намали производството.
Имено, ВТИ за испорака во мај поскапе за 0,7 проценти и сега се тргува по цена од 80,32 долари за барел, а за исто толкав процент порасна и нафтата брент за испорака во јуни, така што оваа нафта чини 84,75 долари.
Движење на цената на нафтата брент и ВТИ / Bloomberg Mercury
Во САД, Управата за енергетски информации денеска ќе ги обелодени своите краткорочни прогнози, додека ОПЕК и Меѓународната агенција за енергија исто така треба оваа недела да ги објават месечните извештаи.
Суровата нафта се врати околу најниското ниво во последните 15 месеци, бидејќи загриженоста за банкарската криза избледе, резервите во САД паднаа, а ОПЕК+ го намали производството. Покрај тоа, имаше прекини во снабдувањето, вклучувајќи и запирање на протокот на гасоводот од Ирак до Турција.
