Јапонија и ЕУ се согласија да ја зајакнат соработката во истражувањата во индустријата за полупроводниците еден ден откако Кина ги објави извозните ограничувања на два метали клучни за некои делови од индустријата за чипови, што ги зголеми тензиите во глобалната технолошка трговска војна.
Двете страни се согласија да воспостават систем за „рано предупредување“ за проблеми во синџирот на снабдување со чипови. Меморандумот за соработка денеска ќе го потпишат јапонскиот министер за трговија Јасутоши Нишимура и Тиери Бретон, европскиот комесар за внатрешен пазар, на состанокот во Токио.
Најавата на Кина за нови контроли на извозот на галиум и германиум, кои се користат во индустријата за полупроводници, телекомуникации и електрични возила, е најновиот потсетник за ранливостите во синџирот на снабдување со чипови.
Владите на САД, Јапонија и земјите од ЕУ сакаат поголем дел од производство на чипови да донесат во своите држави за да ја зајакнат отпорноста кон Кина. Тие исто така работат на зајакнување на врските со поширок опсег на партнери.
Пактот ги наведува плановите за споделување информации за владините субвенции, како и соработката во истражувањето и развојот на чипови од следната генерација и развојот на човечките ресурси.
.webp){kind=icon}
