Германија ќе биде изложена на ризик од сериозен недостиг од гас дури и до почетокот на 2027 година доколку не изгради нова гасна инфраструктура за да ги намали можните проблеми поради студеното време.
Операторот на складиштата за гас ИНЕС (INES) во четвртокот објави дека се потребни нови терминали за течен природен гас и нови складишни капацитети и приклучоци на цевководи со цел порано да се обезбеди доволно снабдување со гас.
Во моментов, додаваат од ИНЕС, обезбедувањето резерви оди добро и магацините се полни речиси 90 отсто, но студената зима сепак може да создаде ризици за енергетската безбедност на Германија.
„Опасноста од недостиг од гас при ниски температури останува и ќе нè придружува до зимата од 2026 до 2027 година доколку во меѓувреме не се преземат дополнителни чекори во изградбата на инфраструктура“, предупредува шефот на ИНЕС, Себастијан Блешке.
Не треба ни да се потсетува колку е важен гасот како енергент за најголемата европска економија, која во последно време трокира во обид да се врати на економски раст.
Германија е меѓу земјите што се најмногу погодени од намалувањето на испораките на руски гас, но успеа да ја преброди минатата зима и да обезбеди алтернативно снабдување благодарение на релативно топлото време и намалената потрошувачка, како и брзата изградба на терминали за течен природен гас (LNG) по должината на брегот. Некои од плановите за терминалите за ЛНГ наидоа на силен отпор од локалните заедници, како што е терминалот на балтичкиот остров Риген.
Според ИНЕС, доколку Германија следната зима ја погодат многу ниски температури, резервите на гас во складиштата би можеле да бидат потрошени до крајот на јануари.
.webp){kind=icon}