.webp){kind=icon}
Нафтата се искачи на 10-месечен максимум бидејќи пазарот покажа нови знаци на затегнатост поттикнати од намалувањето на понудата од страна на лидерите на ОПЕК+.
Глобалниот репер брент достигна 95 долари за барел за првпат од ноември, напредувајќи четврти ден по ред. Премиите за барели се зголемуваат бидејќи рафинериите се борат да произведат доволно дизел пред сезонското зголемување на побарувачката. Затегнатиот пазар поттикна коментари од страна на главниот извршен директор на „Шеврон“ (Chevron Corp.), Мајк Вирт, дека цената на нафтата ќе се врати на 100 долари.
Цената на суровата нафта се зголеми за повеќе од 30 отсто од средината на јуни, бидејќи Саудиска Арабија и Русија го намалија извозот во обид да ги исцрпат резервите и да поттикнат закрепнување на цените. Подобрувањето на изгледите во двете најголеми светски економии - САД и Кина - исто така го поддржа растот на нафтата. Напливот на трошоците за енергија се чини дека ќе ги зајакне инфлаторните притисоци, компликувајќи ја задачата со која се соочуваат централните банкари.
Bloomberg
„Ризиците од краткорочен скок до 100 долари можеби се зголемуваат со сегашниот момент, но ние не сме убедени дека тоа ќе биде одржливо“, рече Чару Чанана, пазарен стратег во „Саксо“ (Saxo Capital Markets Pte). „Повисоката инфлација може да значи построга монетарна политика, а ОПЕК+ не може да ја контролира страната на побарувачката“.
Министерот за енергија на Саудиска Арабија, принцот Абдулазиз бин Салман, во понеделникот изјави дека Организацијата на земји извознички на нафта (ОПЕК) работи на одржување стабилни пазари на нафта и подобрување на глобалната енергетска безбедност, без да цели на некое конкретно ниво на цени. „Плановите за аутпут ќе се разгледуваат секој месец“, посочи тој.
Основните пазарни метрики укажуваат на краткорочна затегнатост. Тримесечниот распон на брент се зголеми на 3,85 долари за барел, што е биковски модел. Тоа се споредува со диференцијалот од 1,26 долари за барел пред околу еден месец.
