.webp){kind=icon}
Можно истекување е забележано синоќа на подводен гасовод меѓу Финска и Естонија, а гасоводот е исклучен додека не се истражи инцидентот.
Финскиот оператор на гасоводниот систем „Гасгрид Финланд“ (Gasgrid Finland Oy) во неделата објави дека нешто пред два часот по полноќ е забележан необичен пад на притисокот. Секако, веднаш проблемот беше спореден со експлозиите кои го оштетија гасоводот Северен тек пред нешто повеќе од една година.
Финската компанија и нивниот естонски партнер „Елеринг“ сега ја истражуваат причината за проблемот на гасоводот долг 77 километри.
„Нема да шпекулираме за причините. Се сомневаме дека има истекување од цевката и сега го истражуваме тоа. Доколку се потврди претпоставката, ќе ја истражиме и причината“, изјави извршниот директор на „Гасгрид“, Сипила.
Засега нема информации кога гасоводот стар три години би можел повторно да почне со работа, додаде Сипила.
Гасот не е клучен за снабдувањето со енергија на Финска, бидејќи во првата половина од оваа година учествуваше само со 3,5 отсто од вкупниот енергетски микс.
Снабдувањето со гас е обезбедено преку пловечкиот терминал за ЛНГ „Инко“.
Корисниците во Естонија се снабдуваат преку Латвија, објави естонскиот оператор.
