Златото ги задржува добивките додека пазарите очекуваат пауза за каматите

Златото ги задржа добивките бидејќи конфликтот на Блискиот Исток продолжи да ги нарушува пазарите, додека инвеститорите размислуваат дали затегнувањето на финансиските услови можеби го достигна врвот по последните коментари на претставниците на Федералните резерви (Фед).

Благородниот метал остана стабилен по скокот од 1,6 отсто во понеделникот, најмногу од мај, бидејќи побарувачката за безбедно прибежиште се зголеми по шокантниот напад на Хамас врз Израел во текот на викендот. 

Златото исто така има корист од промената на начинот на размислување во однос на изгледите за каматните стапки. Креаторите на политиката во САД се здружуваат околу идејата дека неодамнешниот пораст на приносите на американските обврзници - тргна во обратна насока во вторникот - може да ги замени дополнителните зголемувања на нивната референтна каматна стапка. Повисоките стапки се генерално негативни за златото, кое не подлежи на камати.

Сепак, долгорочните перформанси на златото ќе зависат од тоа дали има подлабоки економски и финансиски последици од кризата на Блискиот Исток, посочи во белешка стратегот на РБЦ (RBC Capital Markets LLC), Кристофер Луни. Банката во септември ја зголеми својата перспектива за металот со став дека монетарната политика на крајот ќе се сврти како што ќе забави економскиот раст.

„Покрај зголемувањето на цената на нафтата, ние исто така ги истакнуваме потенцијалните импликации што поврзаната ценовна инфлација и зголемената несигурност би можеле да ги имаат врз Фед, а со тоа и златото“, напиша тој. „Со оглед на нашата сегашна перспектива за златото и зголемувањето на ризиците, можеби веќе видовме квартално ниско ниво“.

Спот златото беше за 0,1 отсто повисоко, на 1.862,71 долари за унца, до 8.22 часот во Сингапур. Индексот за доларот на „Блумберг“ беше малку променет. Среброто забележа пад, додека паладиумот и платината добивка.