Колку пати може да се случи „совршената бура“?
За потсетување, терминот се дефинира како особено лоша ситуација предизвикана од комбинација на неповолни околности. Многу индустрии беа погодени од низа предизвици, што доведоа до недостиг, скокови на цените и други нарушувања. Во актуелната економска ситуација, фразата „совршена бура“ се користи за да се опише сè, од состојбата со нафтата, житарките, кафето, па дури и недостигот на кади.
До одреден степен, ова има смисла. Пандемија каква што се случува еднаш во векот ја разбранува реалната економија, ги вознеми синџирите на снабдување и ја погоди работната сила на начин што беше тешко да се предвиди. Кога се соочуваме со егзоген шок како Ковид-19, терминот „совршена бура“ се чини дека ги опфаќа и размерите на нарушувањето, тешкотијата да се прецизираат ударните ефекти и предизвикот да се неутрализира неговото влијание.
Всушност, овој наплив на спомнувања на „совршена бура“ во написите во вестите, се зголеми кога пандемијата се прошири и оттогаш неговата употреба останува честа. И на Волстрит терминот се користи како клише што го употребуваат менаџерите за да опишат еден од најлошите квартали за многу класи на средства.
Bloomberg
Сугестијата овде е дека многу од овие „совршени бури“ биле невозможно да се предвидат дури и за експертите. А сепак, многу од овие нарушувања може да се сведат на една единствена причина.
Екстремните временски услови ја поттикнаа врската помеѓу климатските промени и стресот за снабдувањето со храна, што резултираше со совршени бури за сè, од авокадо до лубеници. Во меѓувреме, годините на недоволно инвестирање и несигурност предизвикани од ефектот bullwhip ги погодија сферите како што се градежништвото, воздушниот сообраќај, па дури и домашните миленици.
Во продолжение, ова е брз поглед на некои совршени бури што се случуваат во моментот, извлечени од различни извештаи:
Биомедицински истражувања во Европа: „Завршувањето на виталната достава на примати за биомедицински истражувања е дел од совршената бура за европскиот биомедицински сектор, која вклучува забрана за извоз на мајмуни за истражување од Кина, а до крајот на годината се очекува и најавеното ограничување од страна на Европската комисија за биомедицинската употреба на примати од првата генерација“.
Засолништа за спасување животни: „Центарот за спасување Carla Lane Animals in Need вели дека терминот 'совршената бура' за нив значи дека не можат да примаат повеќе животни бидејќи сопствениците ја почувствувале кризата со трошоците за живот“.
Рекламирање преку интернет: „Аналитичарот на Barclays, Рос Сендлер, во белешка во вторникот напиша дека групата се соочува со 'совршена бура'. Тоа вклучува намалување на трошењата за рекламирање и конверзии низ интернетот, зголемена конкуренција од TikTok и Apple и тешки споредби од година во година“.
Јужноафрикански цитрус: „Студијата покажува дека индустријата е погодена од совршена бура од зголемено производство, голем пораст на трошоците за земјоделски инпути и пад на реалните извозни цени, што веројатно ќе остане така во следните неколку години. Ова дополнително се надополнува со главните економски ограничувања што постојат, вклучувајќи го тековниот фискален притисок, постојаното намалување на оптоварувањето, високите стапки на невработеност и ниските нивоа на доверба на потрошувачите и деловното работење“.
Австралиско авокадо: „Поради презаситеноста со овошје, авокадото, кое чинеше дури 3,90 долари по парче во 2016 година, сега се продава за само 1 долар, што го прави еден од ретките дефлациски прехранбени производи во услови на зголемени цени за многу други основни производи, особено марулата. Профитните маржи, доколку ги има, дополнително се нагризани од зголемените трошоци за вештачко ѓубриво, гориво и товар. Главниот извршен директор на Avocados Australia, Џон Тајас ја нарече ситуацијата 'совршена бура' за одгледувачите, од кои некои ја разгледуваат нивната иднина во оваа гранка“.
Лубеници од Тексас: „Луѓето од целиот Тексас доаѓаат во Голсон за да земат лубеници од штандот на Holder’s Produce. Сепак, за прв пат досега, летово нема да ги има познатите лубеници на продажба. 'Ние сме исто толку разочарани како и сите други. Годинава беше совршена бура помеѓу временските услови и моите здравствени проблеми', рече Лери Холдер, сопственик на Holder's Produce“.
Ракчиња од брегот на Персискиот залив: „Во САД голем број фактори ја ставаат индустријата во ризик кој се развива во совршена бура. Цените на ракчиња се ниски, трошоците за гориво (црвен дизел) се највисоките во последно време и нема работна сила“.
Пазари во развој: „Ова е речиси совршена бура за пазарите во развој. И единствената вистинска споредба што може да се направи е од самиот почеток на должничката криза во третиот свет, што е во осумдесеттите, Законот за странски суверени имунитети беше донесен во 1976 година, Законот за државни имунитети во Англија, 1977 година. И тогаш видовме огромен, огромен обем на заеми“.
Марулата во Австралија: „Иако ненадејниот скок на цените брзо погоди, трговците на големо велат дека ќе биде потребно подолго време за да се намалат цените бидејќи одгледувачите се соочуваат со 'совршена бура' од лоши услови. Ентони Џозеф, трговец на големо и извозник на овошје и зеленчук, вели дека влажното време во југоисточен Квинсленд значело дека одгледувачите изгубиле една култура и се борат да ја засадат следната додека почнуваат ниските температури“.
Авиосообраќајот: „'Се случува совршената бура. Побарувачката се врати, а пилотите летаат со рекордни нивоа на прекувремена работа, но сè уште гледаме како раководствата прават откажувања, оставајќи ги нашите клиенти заглавени и нивните планови за одмор уништени. За жал, ова лошо управување продолжува. И тоа се протега врз недостаток на итност да ги решиме прашањата на преговарачка маса', вели Амброси.“
Изградба на домови: „'Трошоците за метална руда, пластика и дрва постојано растат со години, но особено во текот на пандемијата бидејќи фабриките во странство беа принудени да се затворат на подолги периоди. Мислам дека многу компании не го сфаќаат сериозно зголемувањето на трошоците. Тоа е совршена бура', вели Метју Меки, извршен директор на инженерската компанија Arcadis. 'Помалите бизниси немаат тек на пари, ја немаат истата безбедносна мрежа. Тие ќе ја почувствуваат болката многу порано и многу пожестоко', додава тој.“
Други изведувачи: „'Изведувачите се соочуваат со 'совршена бура' бидејќи се борат со високите транспортни трошоци и материјали, како и со зголемените плати и сакаат повеќе механизми за управување со ценовните ризици', вели италијанскиoт градител на Snowy 2.0, Webuild. Напумпаниот проектот за хидроцентрали во Снежните Планини, кој вклучува изградба на електрана на околу 800 метри под земја и требаше да биде завршен до 2026 година, е меѓу многуте големи инфраструктурни проекти опфатени со доцнења и трошоци. Директорот на регионот Азија-Пацифик на Webuild, Марко Асорати, вели дека војната во Украина го надополнила постојното нарушување на глобалните синџири на снабдување, кои страдаат од недостиг на работна сила и одложувања првично предизвикани од пандемијата на Ковид-19“.
Самото човештво: „'Човештвото се соочува со 'совршена бура' од кризи што ја зголемуваaт нееднаквоста меѓу северот и југот', предупреди генералниот секретар на ОН. 'Поделбата не е само морално неприфатлива, туку и опасна, што дополнително ги загрозува мирот и безбедноста во конфликтниот свет. Глобалните прехранбени, енергетски и финансиски кризи, кои се појавија со војната во Украина, ги погодија земјите кои веќе се борат со пандемијата и климатската криза, менувајќи го она што беше растечката конвергенција меѓу развиените и земјите во развој'“, рече Антонио Гутереш.
.webp){kind=icon}
