Пазарите на нафта и гас се наоѓаат пред уште една нестабилна недела на тргување откако Израел ја започна долгоочекуваната копнена инвазија на Газа.
Најголем ризик за цените на суровата нафта по инвазијата останува секоја ескалација кон другите регионални сили. Блискиот Исток испорачува околу една третина од светската нафта, а Иран, кој го поддржува Хамас и другите регионални милитантни групи, во текот на викендот соопшти дека инвазијата „може да ги принуди сите да преземат акција“.
Во тргувањето со суровата нафта во петокот кога Израел ги засили копнените операции, Вест Тексас (West Texas Intermediate) се зголеми за дури 3,2 проценти и достигна над 85 долари за барел. Сепак, тоа останува под највисоката точка од избувнувањето на конфликтот - нешто над 90 долари - бидејќи досега немаше вистинско влијание врз глобалните резерви.
Прочитај повеќе
Цената на нафтата расте по американските напади во Сирија
Цената на Брент нафтата се искачи на над 89 долари за барел
27.10.2023
Нафтените танкери во Европа заработуваат 100.000 долари дневно
Покрај пошироките пазарни проблеми, неодамнешниот пораст на цените е помогнат од повисоките количества товар.
26.10.2023
„Загриженоста дека војната може да се прелее во поширок регионален конфликт - со потенцијал да го наруши снабдувањето со нафта - ги зголемува нагорните ризици за цените на нафтата“, рече Џовани Стауново, аналитичар за суровини во „УБС“ (UBS Group AG). „Цените веројатно ќе бидат поддржани на почетокот на неделата, иако досега нема пријавено нарушување во снабдувањето со нафта“.
Избувнувањето на конфликтот веќе доведе до неколкунеделни остри промени во интрадневното тргување. Еден показател за нестабилноста на нафтениот пазар, кој го мери темпото на движење на цените, се искачи на највисокото ниво од јуни во петокот.
Bloomberg
Интензивирањето на борбите со Хезболах во Либан, кој е поддржан од Иран, во текот на викендот може да ја зголемат вознемиреноста на трговците, додека најлошото сценарио за нафтените пазари е какво било нарушување на теснецот Ормуз, витален пат за сурова нафта.
За разлика од испораките на нафта, на пазарите на гас веќе има влијание врз производството.
Гасното поле Тамар беше затворено од Израел по нападите на Хамас на почетокот од овој месец, и иако тоа беше делумно неутрализирано со зголемувањето на производството на блиското поле Левијатан, тоа продолжува да нагласува некои од ризиците за регионалното снабдување на двата пазари.
Останува и заканата од понатамошна ескалација. Иран се надоврза на претходниот повик за нафтено ембарго на Израел со закана за понатамошни дејствија викендов, без да даде детали. Кон крајот на минатата недела САД нападнаа некои локации и во Сирија - потсетување дека најголемата светска економија ризикува да се вклучи во конфликтот.
Имаше предупредувања и за превозот во Црвеното Море, откако американски носач на авиони по воден пат пресретна проектили истрелани од Јемен во правец на Израел.
Како резултат на тоа, на финансиските пазари, нафтата беше во срцето на облозите дека конфликтот може да се прошири надвор од Израел и Газа.
Трговците склучуваат договори за опции кои би профитирале од скокот на цените над 100 долари за барел во последните недели.
.webp){kind=icon}
