Нафтата се стабилизира по тридневниот пад, бидејќи Саудиска Арабија соопшти дека неодамнешните кратења од ОПЕК+ ќе бидат целосно почитувани и може да бидат продолжени, со што ќе се спротивстави на постојаниот скептицизам за ефективноста на ограничувањата.
Глобалниот репер, нафтата од типот брент, се задржа над 78 долари за барел откако падна за повеќе од 6 отсто во претходните три сесии, додека вест тексас интермедиејт (ВТИ) беше над 73 долари. Саудискиот министер за енергија, принцот Абдулазиз бин Салман, изјави за „Блумберг њуз“ дека неодамна одлучените кратења ќе го „надминат“ очекуваното зголемување на резервите во првиот квартал и може да продолжат понатаму во 2024 година, доколку е потребно.
Суровата нафта се најде под надолен притисок по минатонеделниот состанок на Организацијата на земји извознички на нафта и нејзините сојузници, бидејќи трговците и понатаму не се убедени за тоа колку целосно ќе биде спроведен пакетот доброволни намалувања.
Bloomberg Mercury
Аналитичарите го истакнаа зголемениот резервен капацитет на групата, велејќи дека трговците треба да видат докази за вистинското влијание на резовите. Состанокот беше одложен за неколку дена, а го обележаа внатрешни спорови за квотите.
Постојат „сомнежи за усогласеност во контекст на сè поопасната внатрешна динамика на ОПЕК“, рече Вишну Варатан, шеф за економија и стратегија за Азија во „Мизухо банк“ (Mizuho Bank Ltd.).
Во меѓувреме, рускиот претседател Владимир Путин неделава ќе отпатува во Обединетите Арапски Емирати и Саудиска Арабија, тврдат доброупатени извори. Москва е клучна членка на пошироката групација ОПЕК+.
Цени:
Брент за февруарско порамнување поскапе за 0,2 отсто, до 78,18 долари за барел, во 13.:59 часот во Сингапур.
ВТИ за испорака во јануари беше поскапа за 0,2 отсто и чинеше 73,21 долари за барел.
.webp){kind=icon}