Путин: Ограничен проток на гас по рестартирањето на ‚Северен тек‘

Рускиот претседател Владимир Путин рече дека протокот на природен гас во Европа преку гасоводот Северен тек може да биде ограничен кога врската ќе продолжи со работа оваа недела, што е најјасен сигнал досега дека Москва планира да рестартира барем некои пратки.

„Гасоводот може да работи со околу 20 проценти од капацитетот, околу половина од волуменот со кој работеше пред да биде ставен офлајн за планирано одржување на почетокот на овој месец, освен ако деловите што беа задржани поради санкциите не се вратат во Русија“, изјави Путин синоќа по самитот во Иран.

Европската унија треба да предложи доброволно намалување од 15 проценти во користењето на гас од страна на земјите-членки, почнувајќи од следниот месец, поради загриженоста дека Русија може да го запре снабдувањето.  Во работен документ на ММФ се предупредува дека прекинот на рускиот гас може да резултира со удар од дури 2,65 отсто на економијата на ЕУ.

Во моментов нема коментари за веста. Биди прв да коментира...

Остави коментар