.webp){kind=icon}
Европските фјучерси за природен гас закрепнаа денеска откако претходно се доближија до нивото на технички минимум што е сигнал дека договорите се распродадени по потценети цени.
Гасот на холандската берза кој се смета за репер денеска поскапе за 2,6 отсто, откако вчера падна на најниското ниво од јули. Пониските цени би можеле да помогнат во закрепнувањето на побарувачката која беше погодена од енергетската криза во последните години.
Засега пазарот останува добро снабден, а најновите временски прогнози покажуваат дека е малку веројатен студен бран во текот на следниот месец. Ова ќе помогне да се задржи повеќе гас во складиштата и да се намали притисокот за полнење на резервите во текот на летото.
Bloomberg Mercury
Побарувачката за гас во Европската унија и во Обединетото Кралство ќе почне да се зголемува подоцна оваа година, соопшти консултантската компанија „Индепендент Комодити Интелиџенс сервис“. Ова треба да поттикне зголемување на увозот на ЛНГ за 15 отсто во 2024 година.
„Ограничениот раст на снабдувањето преку гасоводи ќе изврши притисок врз ЛНГ за да се исполни предвиденото зголемување на потрошувачката на гас“, велат аналитичарите на ИКИС предводени од Том Марзек-Мансер во нивната прогноза. Сепак, оваа година не се очекува целосно закрепнување на побарувачката на гас до нивото од пред кризата, бидејќи „европските трошоци за гориво остануваат превисоки во споредба со другите региони“.
Холандскиот гас за следниот месец се тргуваше за 2,5 отсто повисоко, за 26,37 евра за мегават-час до 9:33 часот во Амстердам. Тој загуби 5,2 отсто претходниот ден.
