.webp){kind=icon}
Цената на нафтата се стабилизира по два дена раст, иако тензиите на Блискиот Исток не стивнуваат по смртта на египетски војник во судир со израелската армија.
Брент се задржа над 83 долари за барел, а вест тексас интермедиејт (ВТИ) се приближи до цената од 79 долари за барел. Египетската армија потврди дека на преминот Рафа е убиен граничен чувар, што може да ги зголеми тензиите меѓу земјата и Израел.
Цената на нафтата годинава се зголеми поради постојаните геополитички ризици и одлуката на ОПЕК+ да го намали производството за околу два милиона барела дневно. Се очекува ОПЕК+ да ја спроведува оваа одлука и во втората половина на годината, а состанокот на кој ќе се одлучува за тоа ќе се одржи в недела. Почетокот на април донесе пад на цените, а движењето на брент укажува на релативно зголемување на понудата во однос на побарувачката.
Bloomberg
„Повеќе фактори покажуваат дека нафтата може да поскапи. На ова укажуваат геополитичката ситуација и очекувањата дека ОПЕК ќе се држи до својата политика“, рече Вишну Варатан, главен стратег за Азија (со исклучок на Јапонија) во „Мизухо“ (Mizuho Bank Ltd).
Сепак, „ситуацијата во Газа треба да биде предупредување за оние што се претерано песимисти за цената на нафтата, а не најава за неограничен раст“, додаде тој.
Инвеститорите ќе го анализираат и извештајот за побарувачката во САД по празниците. Денот на сеќавањето, како што се нарекува овој празник во САД, традиционално го означува почетокот на летната сезона кога повеќе се вози и се зголемува побарувачката меѓу потрошувачите.
Брентот во 7.33 часот поскапе за 0,18 отсто и чинеше 83,25 долари за барел. Истовремено, ВТИ напредуваше за 1,48 отсто, па цената беше 78,86 долари за барел.
