.webp){kind=icon}
Цените на европскиот природен гас паднаа трет ден по ред бидејќи горивото што се чува во складиштата низ Европа ја надмина сезонската норма. Референтната цена на гасот падна за дури 2,5 отсто во вторникот на најниско ниво за повеќе од една недела. Местата за складирање гас на континентот се полни 72 отсто, во споредба со просекот за претходните пет години од 70,1 проценти.
Европа брза да ги надополни своите резерви на гас пред зимската сезона кога е шпицот на побарувачката за да управува со ризиците поврзани со континуираните испораки од Русија. Затоа увезе многу повеќе течен природен гас од вообичаено.
Руските текови преку Северен тек, главниот гасовод до континентот, се општо стабилни на околу 20 отсто од капацитетот од крајот на јули, кога Москва ги намали испораките од 40 проценти. Руската компанија „Гаспром“ ги наведе проблемите со одржувањето на турбините, вклучително и одложувањата поврзани со санкциите за враќање на опремата, како причини за намалениот проток.
Во меѓувреме, нарачките за норвешки гас се намалија денеска, откако претходно паднаа за 3,6 отсто во текот на претходните четири дена. Неколку објекти кои се сметаат за клучни за испораките на Обединетото Кралство и континентална Европа или се во процес или треба да започнат со сезонски работи оваа недела.
Холандскиот гас чија цена е референтна во Европа се тргуваше за 2,5 отсто пониско, на 188,30 евра за мегават-час до 8:57 часот по амстердамско време.
Bloomberg Mercury
