.webp){kind=icon}
Цената на нафтата паѓа втор ден по ред бидејќи Саудиска Арабија објави дека размислува да го зголеми производството, а фјучерсите во Либија отвораат можност за повторно да се активира производството на сурова нафта во некои од погоните.
Цената на нафтата брент падна под 72 долара за барел, што претставува загуба од речиси пет проценти за два дена, додека ВТИ (WTI-West Texas Intermediate) се тргува по цена од близу 68 долари. Саудиска Арабија е подготвена да се откаже од својата неофицијална цел за цена на нафтата од 100 долари за барел во обид да го врати пазарниот удел, објави „Фајненшл тајмс“, цитирајќи луѓе запознаени со плановите.
Потенцијалното заживување на производството во Саудиска Арабија и во Либија доаѓа во услови кога суровата нафта се движи кон најлошиот квартал годинава, под влијание од можноста за дополнителна понуда од страна на Организацијата на земји извознички на нафта и нивни сојузници (ОПЕК+), како и од лошите економски изгледи на Кина.
USDEUR:CUR
USD
0,897 EUR
почетна цена
0,8982
претходна цена на затворање
0,8982
промена од почетокот на годината
-1,0597%
дневен опсег
0,00 - 0,00
опсег на 52 недели
0,89 - 0,96
Посилниот долар исто така влијае на стоките како што е нафтата чија цена се изразува во американската валута, при што индексот на „Блумберг“ на зелената валута вчера забележа најголем раст во последните три месеци.
Во меѓувреме САД, Европската Унија и големите сили на Блискиот Исток, вклучувајќи ги и Саудиска Арабија и Катар, предложија тринеделен прекин на огнот меѓу Израел и Хезболах во Либан, како дел од обидот да се отвори пат за преговори и да се спречат воените дејства во регионот.
