Флота бродови натоварени со дизел, едно од најважните горива, се упати кон европскиот пазар кој се соочува со повеќе закани по енергетскиот секор – високи тепмератури, високи цени на гасот и руските прекини во испораката.
Пет брода кои носат приближно три милиони барели се движат од Азија кон Европа, покажуваат податоците на Вортекса. Тоа е најмногу во последните пет месеци. Се зголемуваат и пратките од Средниот исток кон Европа.
Зголемениот транспорт на дизел кон Европа, според трговците, е резултат на повисоките цени во хабот Амстердам, Ротердам Антверпен (АРА) што се случува во време на прекумерна понуда на азиските пазари заради забавената кинеска економија и намалената побарувачка во Индија. Дизелот се користи за индустријата, транспортот и за производство на струја.
Европа се соочува со историски најголема суша која предизвика опаѓање на водостојот на реката Рајна. Овој воден пат го поврзува хабот АРА со потрошувачите во внатрешноста на Европа и во моментов е непрооден за поголем дел од товарот што создава тесно грло во снабдувањето кое е потребно за да се наполнат залихите за претстојната зима.
Земјите, меѓу кои Шведска и Германија, предупредија на растечката потрошувачка на нафта како замена за скапиот гас. Регионот купува и повеќе јаглен. Но, останува нејасно каква ќе биде европската побарувачка во услови на забавување на економијата во регионот до крајот на годината.
На дизелот кој е товарен во Индија и северна Азија му треба еден месец за да стигне до Европа, точно во периодот кога летото ќе завршува. Некои од танкерите кои тргнале на пат можат да носат и по еден милион барели.
Преминот од гас кон нафта ќе ја зголеми побарувачката за нафтата на 380.000 барели дневно, прогнозира Меѓународната агенција за енергетика. Азиските рафинерии можат да испорачуваат по 215.000 барели дневно повеќе дизел, а расте и набавката од Средниот исток.
.webp){kind=icon}
Во моментов нема коментари за веста. Биди прв да коментира...