text size
Цените на гасот во Европа дополнително пораснаа откако Москва најави тридневен ремонт на Северен Тек 1, што ги зголемува стравовите дека ќе се намали испораката на природен гас од Русија.
Тридневниот ремонт на Северен тек 1 ќе стартува на 31 август, кога протокот на гас целосно ќе биде стопиран.
Моментално низ гасоводот се испорачува природен гас на ниво од околу 20 отсто од неговите транспортни капацитети.
Прочитај повеќе
Канцеларот Шолц ја обвинува Русија за фијаското со турбината
Компонентата за турбината е подготвена, од германска страна нема никакви пречки за испорака, вели канцеларот Шолц
03.08.2022
Германија има гас за помалку од три месеци
Во моментов резервите се на ниво од 77 отсто, што е две недели пред распоредот.
17.08.2022
„Гаспром“ најавува огромно зголемување на цената на гасот во Европа
Цената на гасот во Европа во текот на зимата ќе надмине 4.000 долари за 1.000 кубни метри
16.08.2022
Германија стравува дека Москва може уште повеќе да ја намали испораката и затоа постојано апелира за штедење на енергија.
„Пред нас имаме критична зима. Мора од Путин да очекуваме дека дополнително ќе ја намали испораката“, изјави германскиот министер за економија, Роберт Хабек, кој е во посета на Канада заедно со германскиот канцелар Олаф Шолц.
Надлежните од Европската Унија повеќе пати до сега изјавуваат дека е можно да дојде до целосен прекин на испораката на рускиот гас, како еден вид одмазда на Путин поради европската поддршка за Украина.
Германија, како најголем потрошувач на гас, бара алтернативни начини за снабдување со тој енергенс но, сепак не може толку бргу да обезбеди замена за рускиот гас.
Сега Германија повторно се насочува кон производство на енергја од јаглен, но и кон можноста за нуклеарна енергија.
Газпром објави дека се неопходни прегледи на една од турбините, која во моментов пумпа гас во гасоводот и наведува дека испораката ќе се врати на постоечкото ниво по тридневниот прекин.
Според аналитичарите, независно дали е вистина или не објавата на Газпром, цените на гасот на европските пазари и натаму се движат во нагорна линија.
Холандските референтни договори, кои се склучуваат еден месец однапред, пораснаа за 15 отсто, на 281,86 евра за мегават час. Тоа претставува раст веќе петта недела по ред.
Цената на електричната енергија во Германија за следната година, која што претставува референца за европските цени, порасна за 13 проценти, на рекордни 630 евра за мегават час.
Германската влада за сега цели кон намалување на потрошувачката на природен гас за 20 отсто, што се поголеми планови од тие на Европската Унија за намалување на употребата на гас за 15 отсто.
.webp){kind=icon}
