Цената на нафтата на шестнеделен максимум

Нафтата забележа најголема добивка во последните шест недели, а за тој резултат придонесоа претходните најави за можно намалување на производството во рамки на државите членки на ОПЕК+ групата.

West Texas Intermediate (WTI) се држи на ниво од 97 долари за барел, откако цената скокна за 4,2 проценти на отварањето на неделната сесија за тргување и тоа поради загриженоста за потенцијалниот прекин на снабдувањето од Либија и биковските изгледи на енергетскиот пазар од стрна на Goldman Sachs Group. И покрај немирите во Либија, државната нафтена компанија вчера пријави производство од околу 1,2 милиони барели на дневно ниво.

Организацијата на земјите извознички на нафта и нејзините сојузници ќе се состанат на 5 септември по предупредувањето од водечката членка, Саудиска Арабија, дека е можен договор за намалување на производството, а дел од другите држави изразија поддршка.

Вчерашниот скок на цената на нафтата е предизвикан од загриженоста дека глобалното забавување на економиите и строгата монетарна политика ќе влијаат на потрошувачката на енергија. Европа и натаму е зафатена со енергетската криза додека Русија ги намалува испораките на природен гас, а Европската Унија (ЕУ) ги засилува мерките против Москва. Извршниот директор на Шел, Бен ван Бурден, предупреди вчера дека кризата може да потрае повеќе од една зима.

„Комбинацијата на новите ризици за снабдувањето од Либија, заедно со неизвесноста околу претстојниот состанок на ОПЕК+, ја поттикна цената“, изјави Ворен Петерсон, шеф за стокова стратегија на ING.

WTI  за испорака во октомври утрово падна за 3 проценти, на 96,98 долари за барел, додека Brent суровата нафта за октомври загуби 0,5 отсто од својата вредност и на европската берза за фјучерси се тргува за 104,58 долари за барел.

Во моментов нема коментари за веста. Биди прв да коментира...

Остави коментар