.webp){kind=icon}
Паѓа цената на нафтата на светскиот пазар, а ефектите од одлуката на ОПЕК+ за намалување на производството во октомври исчезнаа. Трговците се многу позагрижени поради повторното затворање во Кина и намалувањето на производството во таа земја, која е најголемиот светски увозник на оваа суровина.
Глобалниот репер Брент падна на 95 долари за барел, откако во понеделникот го заврши денот со вредност за три отсто повисока, бидејќи Организацијата на земјите извознички на нафта и сојузниците, вклучително и Русија (ОПЕК+) се согласија да го намалат производството за 100.000 барели дневно. По изненадувачката одлука, Саудиска Арабија соопшти дека групата е подготвена да преземе дополнителни мерки за поддршка на нафтениот пазар доколку е потребно.
Bloomberg Chartmaker
Нафтата падна од почетокот на јуни, бришејќи ги сите добивки постигнати по инвазијата на Русија во Украина, бидејќи знаците за глобално забавување, построгата монетарна политика и заклучувањето поради вирусот во Кина се заканија да ја намалат побарувачката за оваа суровина. Тој пад го поттикна ОПЕК+ да се сврти кон намалување на производството.
Прочитај повеќе
ОПЕК+ се согласи да го намали производството на нафта за октомври
ОПЕК+ ќе го намали производството за 100.000 барели дневно, сметајќи дека така ќе се стабилизира пазарот
05.09.2022
Г-7 ќе поддржи ограничување на цената на руската нафта
Многу е веројатно дека претставниците на Групата седум ќе се договорат за ограничување на максималната цена на руската нафта.
02.09.2022
Во Кина се во тек нови заклучувања поради вирусот. Освен во Ченгду, главниот град на провинцијата Сечуан, властите воведоа ограничувања и во делови на Гуијанг, шестмилионски град во планинската јужна провинција Гуижоу.
Намалувањето на ОПЕК+ „навистина не е настан во смисла на понудата и побарувачката“, вели Ворен Патерсон, шеф на стратегија за стоки во ING Groep NV во Сингапур. „Значи, се сомневам дека пазарот ќе продолжи да биде диктиран од загриженоста за побарувачката, особено со оглед на тоа што повеќе делови од Кина се заклучени“, додава тој.
Цени:
- Брентот за ноемвриско порамнување беше за 0,7 отсто понизок на 95,10 долари за барел на берзата ICE Futures Europe во 7:28 часот во Лондон. Во понеделникот цените се зголемија за дури 4,3 отсто на 96,99 долари.
- WTI за испорака во октомври беше на 88,74 долари за барел на њујоршката берза, што е за 2,2 отсто повеќе во однос на затворањето во петокот по Денот на трудот.
Првото намалување на понудата на ОПЕК+ по повеќе од една година покажува дека групата е сериозна за управувањето со пазарите на сурова нафта и е подготвена да преземе превентивни мерки, соопшти Саудиска Арабија. „Едноставното прилагодување покажува дека ќе бидеме внимателни, превентивни и проактивни“, изјави за Bloomberg министерот за енергeтика, принцот Абдулазиз бин Салман.
