Членките на ОПЕК+ се наклонети кон ново мало зголемување на производството за декември, пред онлајн состанокот во недела, според тројца делегати.
Клучните членки на групата, предводени од Саудиска Арабија, разгледуваат зголемување од околу 137.000 барели дневно — исто како во октомври и ноември — велат делегатите кои побараа да останат анонимни бидејќи разговорите се приватни. „Блумберг“ претходно оваа недела објави дека скромното зголемување се смета за основно сценарио од страна на делегатите.
Разговорите ќе продолжат во недела, рече еден од делегатите. Видео повикот е закажан за 17 часот по виенско време.
Прочитај повеќе
По санкциите за „Лукоил“, Бугарија го ограничи извозот на нафтени деривати
Парламентот на Бугарија денеска го усвои предлогот со кој привремено се ограничува извозот на нафтени деривати (дизел и авионско гориво) во други земји-членки на ЕУ, со цел да гарантира енергетска безбедност на земјата, по американските санкции за руските компании.
01.11.2025
Нафтата е пред голем неделен раст на цената поради санкциите за Русија
Нафтата брент денеска се тргува близу 66 долари за барел, што е неделно зголемување од околу седум отсто, а нафтата ВТИ е под 62 долара.
24.10.2025
ЕУ им се придружи на САД: Нов пакет санкции насочени кон руската енергија
Мерките на ЕУ ќе го забранат увозот на течен природен гас (ЛНГ) од 2027 година.
23.10.2025
САД воведуваат санкции за „Роснефт“ и „Лукоил“, расте цената на нафтата
Министерството за финансии ги стави на црната листа државните нафтени гиганти „Роснефт“ и „Лукоил“ поради „недостатокот на сериозна посветеност на Русија кон мировниот процес за ставање крај на војната во Украина“, се вели во соопштението од средата.
23.10.2025
Организацијата на земјите извознички на нафта и нејзините партнери постепено враќаат 1,65 милиони барели дневно, кои беа стопирани пред две години. Тие продолжуваат со планот и покрај знаците дека се појавува долгоочекуваниот вишок, како и предупредувањата за уште поголем вишок следната година.
Меѓународната агенција за енергија во Париз предвидува дека глобалното снабдување може да ја надмине побарувачката во овој квартал за повеќе од 3 милиони барели дневно, а потоа да се прошири во невиден вишок следната година — барем на хартија.
Сепак, реалното зголемување на производството од страна на организацијата е значително помало од најавените количини, бидејќи некои членки се обидуваат да се искупат за претходно претерано производство, а други имаат потешкотии да произведат повеќе, што го ограничува влијанието врз пазарот.
.webp){kind=icon}
