Парламентот на Бугарија денеска го усвои предлогот со кој привремено се ограничува извозот на нафтени деривати (дизел и авионско гориво) во други земји-членки на ЕУ, со цел да гарантира енергетска безбедност на земјата, по американските санкции за руските компании.
Авторите на предлогот ја наведоа „потребата да се гарантира енергетската безбедност на земјата и стабилноста на домашниот пазар на гориво поради санкциите на САД за руските енергетски компании, вклучително и „Лукоил“, кој управува со најголемата рафинерија за нафта во Бугарија.
САД минатата недела воведоа санкции насочени кон руските нафтени компании „Росњефт“ и „Лукоил“, вклучително и замрзнување на сите нивни средства во САД и забрана за сите американски компании да соработуваат со нив. Компаниите што работат со „Росњефт“ и „Лукоил“ може индиректно да бидат санкционирани.
Прочитај повеќе
Рускиот „Лукоил“ се согласи да го продаде меѓународниот бизнис на „Гунвор“
„Лукоил“ претходно објави планови за продажба на своите меѓународни операции откако беше погоден од санкциите на САД минатата недела.
30.10.2025
Европа го зголемува увозот на дизел и авиогориво пред руските санкции
Трговците ја зголемуваат испораката на горива во ЕУ пред воведувањето нови санкции за руската сурова нафта, што повторно може да ја наруши енергетската рамнотежа во регионот.
28.10.2025
Нафтата е пред голем неделен раст на цената поради санкциите за Русија
Нафтата брент денеска се тргува близу 66 долари за барел, што е неделно зголемување од околу седум отсто, а нафтата ВТИ е под 62 долара.
24.10.2025
Мерц очекува САД да ја ослободат германската единица на „Роснефт“ од санкции
Канцеларот додаде дека всушност не е јасно дали на германскиот бизнис, „Роснефт Дојчланд“, „дури и му е потребно“ ослободување, бидејќи според санкциите „Роснефт“ мора да поседува најмалку 50 проценти од бизнисот.
24.10.2025
САД воведуваат санкции за „Роснефт“ и „Лукоил“, расте цената на нафтата
Министерството за финансии ги стави на црната листа државните нафтени гиганти „Роснефт“ и „Лукоил“ поради „недостатокот на сериозна посветеност на Русија кон мировниот процес за ставање крај на војната во Украина“, се вели во соопштението од средата.
23.10.2025
По ова рускиот производител на нафта „Лукоил“ објави дека ќе ги продаде сите свои меѓународни операции и ја прифати понудата од трговецот со енергија „Гунвор груп“ (Gunvor Group) за купување на неговата меѓународна единица „Лукоил Интернешнл ГмбХ“. Договорот е предмет на одобрение од американската влада.
„Лукоил Интернешнл ГмбХ“ е мнозински сопственик на најголемата бугарска рафинерија „Лукоил Нефтохим“ во Бургас, а златна акција во компанијата поседува и бугарската влада. Со оглед на тоа дека за завршување на аквизицијата може да биде потребно повеќе време, бугарските експерти препорачуваат Бугарија да побара од САД назначување управител на рафинеријата, по примерот на Германија, со цел избегнување енергетската криза.
„Зделка вредна над 15 милијарди долари не може да се финализира за 24 часа. Најразумно е да ја завршиме нашата работа тука и сега, односно да се назначи посебен управител и да се побара исклучок од САД специјално за тоа назначување, како што направи Германија и доби писмо за поддршка. Така, кога ќе дојде моментот за продажба, нека биде и на „Гунвор“, Бугарија ќе има адут, нема да чека меѓународен договор, чии последици врз домашната ситуација се неизвесни“, изјави Мартин Владимиров, директор на програмата „Енергетика и клима“ при Центарот за проучување на демократијата, во емисијата „Во развој“ на Блумберг ТВ Бугарија.
.webp){kind=icon}
