text size
Бакарот забележа благ пад, откако инвеститорите зазедоа повнимателен став во пресрет на објавата на американските податоци, кои ќе се следат како индиции за идната насока на каматните стапки.
Тримесечните фјучерси во Лондон се спуштија под 11.600 долари за тон, по раст од над 1 отсто во понеделникот. Извештајот за вработеноста, кој треба да биде објавен подоцна денеска, се очекува да укаже на забавување на пазарот на трудот, што би можело да ја зајакне аргументацијата за поолабавена монетарна политика. Во меѓувреме, акциите и другите поризични вложувања ослабеа во исчекување на податоците.
И покрај денешниот пад, цената на бакарот годинава порасна за околу една третина, при што цените поставија низа рекорди и се движат кон најсилна годишна добивка од 2009 година наваму. Растот е поттикнат од проблеми во снабдувањето во некои од најголемите светски рудници, како и од очекувањата дека администрацијата на Трамп би можела да воведе царини за рафинираниот метал. Постојаните трговски неизвесности доведоа до насочување на резервите на бакар кон најголемата светска економија, со што понудата на другите пазари дополнително се затегна.
Прочитај повеќе
Светот има потреба од многу повеќе бакар – но дали ќе го има доволно?
Серијата прекини во рудниците, растечката побарувачка од ВИ и енергетската транзиција, како и трговските тензии, создаваат глобален недостиг од бакар, што може да ја преобликува индустријата.
11.12.2025
Нов рекорд на бакарот - растот го поттикнуваат увозот во САД и политиката на Кина
На Лондонската берза утрово бакарот порасна за околу еден отсто, на 11.735,50 долари за тон. Претходно достигна врв од 11.771 долари.
08.12.2025
Бакарот се приближува до рекорд - нарачките се зголемија најмногу од 2013 година
Бакарот порасна и се тргува малку под рекордно високото ниво откако барањата за повлекување резерви од магацините на Лондонската стоковна берза се зголемија најмногу од 2013 година.
03.12.2025
„Бучим“ во ерата на скап бакар - сигурно засолниште или ризик?
Цената на бакарот минатата недела се искачи до рекордни над 11.100 долари за тон. Оваа цена беше повисока од историската вредност што металот ја достигна пред година и половина. Деновиве состојбата е помирна, а цената падна под 11.000 долари.
07.11.2025
Примирјето меѓу САД и Кина го води алуминиумот кон тригодишен максимум
Алуминиумот е на пат да оствари највисоко ценовно затворање од мај 2022 година бидејќи основните метали пораснаа заедно со другите ризични средства по ублажувањето на тензиите меѓу САД и Кина.
03.11.2025
Цената на бакарот на рекорд бидејќи проблемите со снабдувањето водат кон дефицит
Тримесечните фјучерси денеска се искачија на 11.146 долари за тон на Лондонската берза за метали, надминувајќи го претходниот врв што беше поставен во 2024 година.
29.10.2025
Bloomberg
„Голдман Сакс“ (Goldman Sachs Group Inc.) ја зголеми прогнозата за цената на бакарот за следната година, оценувајќи дека евентуалните американски ограничувања за увоз се помалку веројатни во првата половина од 2026 година, што остава простор за зголемени испораки пред можно воведување мерки.
„Очекувањата за идни царини треба да ја задржат цената на бакарот во САД на повисоко ниво во однос на Лондонската берза за метали (LME) и да поттикнат создавање резерви во земјата“, наведуваат аналитичарите, меѓу кои и Еоин Динсмор, во анализа со која прогнозата за 2026 година е зголемена на 11.400 долари за тон, од претходните 10.650 долари. „Подоцнежната примена на царините би можела да доведе до поголем од очекуваниот дефицит на пазарите надвор од САД.“
Референтните фјучерси на бакарот на Лондонската берза за метали поевтинија за 0,8 отсто и се тргуваа по 11.568 долари за тон во 10:59 часот по сингапурско време.
Кај другите метали, никелот падна седми ден по ред, за 0,5 отсто, на 14.275 долари за тон, што е најдолга серија загуби од средината на јуни. Оловото благо поскапе, алуминиумот остана речиси непроменет, додека цинкот и калајот забележаа пад. Фјучерсите на железната руда во Сингапур пораснаа за 0,9 отсто.
.webp){kind=icon}
