Меѓународната агенција за енергија предложила најголемо ослободување нафтени резерви досега, пишува „Волстрит журнал“, додека владите се обидуваат да го ограничат скокот на цените на енергијата предизвикан од војната на Блискиот Исток.
Предлогот за ослободување на резервите, кој бил разгледуван на итен состанок на енергетските претставници во вторникот, би ги надминал 182-та милиони барели што земјите членки ги пуштија на пазарот во две транши во 2022 година, по руската инвазија врз Украина, наведува весникот повикувајќи се на претставници запознаени со прашањето. Тоа би било најголемо поединечно ослободување резерви досега.
Глобалниот репер брент се откажа од претходните добивки од речиси 4 отсто по објавувањето на извештајот, пред да се тргува околу 88 долари за барел.
Прочитај повеќе
Врската долар–нафта е сè што е моментално важно на девизниот пазар
Скокот на нафтата ја зголемува побарувачката за доларот, бидејќи глобалната трговија со сурова нафта и понатаму се одвива претежно во американската валута.
10.03.2026
Нафтата падна 15 отсто, додека светските лидери брзаат да го ублажат шокот во снабдувањето
По нестабилниот почеток на неделата, нафтата се тргува повеќе од 15 отсто пониско, додека лидерите најавуваат мерки за смирување на пазарот.
10.03.2026
Г7 бара од МАЕ сценарија за пуштање итни резерви на нафта
МАЕ, која го надгледува користењето на нафтените резерви на земјите од ОЕЦД, ќе разговара за тој процес на седница на одборот подоцна во текот на денот.
10.03.2026
МБИ10 падна на годишен минимум: Чуваат ли инвеститорите „пари за бензин“?
Македонскиот берзански индекс (МБИ10) во вторникот падна на 9.886 поени, што е убедливо најниско ниво во изминатава година.
11.03.2026
Трамп вели дека ракетните капацитети на Иран се на 10 отсто и најавува брз крај на војната
Американскиот претседател нагласи дека не очекува конфликтот да заврши оваа недела, но дека операциите се одвиваат побрзо од планираното и се обиде да ги смири инвеститорите што се загрижени за растот на цените на енергентите.
10.03.2026
Сектори што со денови беа во црвено, а кријат можност за принос
Историјата покажува дека првиот бран на паника честопати влијае на цели индустрии без да се прави разлика помеѓу компаниите што се навистина загрозени и оние што не се, што може да отвори интересни инвестициски можности.
10.03.2026
Удар врз производството
Блокадата на Ормускиот Теснец ги принудува големите производители на нафта да го намалат производството
Bloomberg
Проширувањето на војната и речиси целосното затворање на Ормускиот Теснец доведоа до намалувања од страна на производителите во Персискиот Залив, кои досега намалија за околу 6 отсто од глобалното производство на нафта, предизвикувајќи зголемување на цените на сè, од гориво за авиони до гас за готвење, низ целиот свет.
Милиони барели сурова нафта и горива остануваат заглавени на танкери што не можат да го минат тесниот морски премин, каде што бродови биле нападнати. Попречувањето на сигналите дополнително ја отежнува и ја прави небезбедна пловидбата за бродовите во регионот.
Групата Г7 претходно побара од МАЕ да подготви сценарија за ослободување на итните нафтени резерви. Земјите сакаат да бидат подготвени да ги активираат резервите доколку биде потребно и ѝ довериле на МАЕ да ги анализира количествата што би можеле да бидат пуштени на пазарот, изјави во вторникот францускиот министер за финансии Ролан Лескур пред новинарите.
Претставниците на МАЕ во Париз не одговорија веднаш на барањето за коментар надвор од работното време.
Предлогот би можел да биде одложен доколку се спротивстави само една земја. Се очекува земјите да одлучуваат за предлогот в среда, пишува „Волстрит журнал“.
Триесет и двете земји што се членки на МАЕ заеднички поседуваат најмалку 1,2 милијарда барели нафта во јавни итни резерви, според организацијата што ги координира ослободувањата на стратешките резерви.
Агенцијата со седиште во Париз помогнала во спроведување пет вакви интервенции: во периодот пред Првата заливска војна, по ураганите Рита и Катрина во 2005 година, по избувнувањето на граѓанската војна во Либија во 2011 година и двапати во 2022 година, како одговор на нарушувањата поврзани со војната во Украина.
Претходните ослободувања од стратешките резерви не секогаш го постигнувале посакуваниот ефект. Двете интервенции во 2022 година првично доведоа до раст на цените на нафтата, бидејќи пазарите ги протолкуваа како сигнал дека кризата е полоша отколку што се мислеше, но подоцна сепак придонесоа за нивно намалување.
.webp){kind=icon}
