САД предлага нови царини од најмалку 10 отсто за увоз од 60 трговски партнери по истрага за стоки за кои се тврди дека се произведени со принудна работа, додека претседателот Доналд Трамп се обидува повторно да го изгради сеопфатниот царински ѕид што беше поништен од Врховниот суд на САД.
Царина од 10 отсто би се применувала за увоз од Канада, Мексико, Европската Унија, Тајван и Обединетото Кралство, меѓу другите, според соопштението на Канцеларијата на трговскиот претставник на САД. Производите од други големи економии, вклучувајќи ги Кина, Индија, Јапонија, Јужна Кореја, Бразил и Швајцарија, би биле опфатени со давачка од 12,5 отсто.
Од трговската канцеларија соопштија дека пониската стапка се воведува за стоки од економии кои имаат забрани за увоз на производи направени со принудна работа или се обврзале да воведат такви мерки, додека повисоката стапка е наменета за оние кои „не успеале да ги воведат и ефикасно да ги спроведуваат“ таквите забрани.
Прочитај повеќе
ЕУ го забрзува трговскиот договор со САД поради барањата на Трамп
Европската Унија го финализираше текстот на долгоодложуваниот трговски договор со САД по месеци преговори.
20.05.2026
Американскиот трговски суд ги прогласи за незаконски најновите тарифи од 10 проценти на Трамп
Нов удар врз економската агенда на администрацијата, само неколку месеци откако Врховниот суд на САД ги поништи претходните давачки што ги воведе.
08.05.2026
ЕУ не успеа да постигне трговски договор со САД и покрај барањата на Трамп
Трансатлантскиот трговски договор повторно е одложен, а САД предупредуваат дека царините за европските автомобили може наскоро да се зголемат од 15 на 25 отсто.
07.05.2026
Трамп ги охрабрува компаниите да не бараат поврат на царините
Претседателот Доналд Трамп изјави дека ќе ги запамети компаниите кои нема да бараат поврат на платените царини откако Врховниот суд укина голем дел од неговите тарифи.
21.04.2026
Бесент вели дека царинските стапки на Трамп би можеле да бидат обновени до јули
Трамп се обидува да го врати својот царински ѕид користејќи различни овластувања.
15.04.2026
Трамп ќе воведе царини од 100 отсто за некои увезени лекови
Американскиот претседател ги реализира заканите од минатата есен за воведување 100 отсто царини на брендирани или патентирани лекови, освен ако компаниите не го преместат производството во САД.
02.04.2026
Потегот претставува значаен чекор во настојувањето на Трамп повторно да ги воведе царините во земји што ги наметна во првата година од својот мандат, пред тие да бидат прогласени за неуставни. Предложените царини произлегуваат од истраги покренати врз основа на посебна законска одредба позната како Дел 301 од Законот за трговија од 1974 година.
„Ова има големо влијание затоа што Дел 301 е исклучително моќна алатка и малку е веројатно дека ќе биде поништена“, изјави Дебора Елмс, директорка за трговска политика во фондацијата „Хајнрих“ во Сингапур. „Сега е отворена вратата за многу нови царински и нецарински корекции“, додаде таа.
Акциите останаа во позитива по објавувањето на веста. Глобалниот индекс MSCI All Country World Index порасна за 0,1 отсто и достигна рекордно ниво, додека индексите во Азија и САД поставија нови историски максимуми.
Пошироко гледано, новите давачки доаѓаат во клучен момент за светската економија, кога финансиските пазари веќе се под притисок поради војната со Иран и последователниот раст на цените на нафтата и гасот. Повисоките цени на енергенсите поттикнаа нови стравувања од инфлација, а во САД дополнително ги засилија грижите за трошоците за живот кај гласачите, што претставува закана за Републиканската партија на Трамп пред ноемвриските избори на средина од мандатот.
Давачките нема веднаш да стапат во сила. Пред нивното воведување ќе следуваат јавна расправа и ревизија, што може да доведе до измени пред царините официјално да бидат усвоени. Писмените коментари треба да бидат доставени до 6 јули, а панелот за Дел 301 се очекува да започне јавни сослушувања од 7 јули, според известувањето.
Обнова на царинскиот ѕид на Трамп
САД предлага нови давачки поврзани со принудната работа
Blooomberg
„Неуспехот на нашите најважни трговски партнери да го спречат увозот на стоки произведени со принудна работа е неприфатлив. Тоа создава ситуација во која американските работници се принудени да се натпреваруваат на глобално ниво под нерамноправни услови“, изјави трговскиот претставник на САД, Џејмисон Грир. „Повеќе нема да ја толерираме оваа нееднаквост.“
Потегот ќе ја тестира трпеливоста на најголемите економски партнери на САД, кои во голема мера се воздржуваа од одмазднички мерки кон царините на Трамп и наместо тоа избраа да преговараат за намалување на увозните давачки и обезбедување пристап до пазарите.
Министерствата за трговија и надворешни работи на Јапонија, Министерството за надворешни работи на Кина и австралиската влада не одговорија веднаш на барањата за коментар за предложените царини.
Други истраги
Истрагите за принудна работа се само еден дел од напорите на администрацијата да ги оживее царините на Трамп. Постојат и посебни истраги според Дел 301 насочени кон прекумерните производствени капацитети кај трговските партнери на САД.
Постојат и неколку предложени исклучоци од царинскиот режим.
Увозот на облека и текстил од некои земји ќе може да влегува во САД со пониска царинска стапка, при што квотите ќе се одредуваат според обемот на американскиот извоз на текстил во тие држави.
Други производи се целосно ослободени од царините, меѓу нив говедско месо, домати, банани, кафе, сок од портокал и други прехранбени производи. Металите, кои веќе се опфатени со други давачки, се исклучени, како и одредени горива и хемикалии.
Широката трговска агенда на Трамп претрпе сериозен удар во февруари кога Врховниот суд ги поништи давачките што тој ги воведе користејќи вонредни овластувања.
Царините според Дел 301 се сметаат за правно поцврсти и пофлексибилни од другите механизми што Трамп ги разгледуваше, но нивната примена бара повеќе време.
Како привремена мерка, претседателот воведе и глобална давачка од 10 отсто според Дел 122 од трговскиот закон, но тие увозни давачки истекуваат во јули. И тие царини во моментов се соочуваат со правен предизвик.
Според Елм, воведувањето на новообјавените царини најверојатно ќе се совпадне со истекувањето на мерките според Дел 122, откако ќе завршат консултациите и јавните сослушувања.
Грир изјави дека целта е да се завршат серија трговски истраги за да му се овозможи на Трамп брзо да воведе нови царини по истекувањето на сегашните мерки.
Потегот отвора и прашања за стабилноста на примирјето меѓу САД и Кина по самитот меѓу Трамп и кинескиот претседател Шји Џјинпинг во мај, на кој беше договорено формирање нови одбори за трговија и инвестиции со цел управување на односите меѓу двете најголеми светски економии.
„Бидејќи мерките не се насочени само кон Кина, верувам дека и натаму постои простор за комуникација и дијалог меѓу Пекинг и Вашингтон“, изјави Жу Фенг, декан на Факултетот за меѓународни студии при Универзитетот во Нанџинг. „Доколку последователно бидат воведени дополнителни мерки според Дел 301, тоа навистина ќе создаде нови предизвици за таканаречениот Пекиншки консензус.“
.webp){kind=icon}
