Анџела Хартнет не сака да ги зголемува цените на менито во своите ресторани. Пред речиси десет години, шпагетите со болоњезе на менито во еден од нејзините локали, Café Murano, чинеле 10 фунти како предјадење и 14 фунти како главно јадење. Цените останале речиси непроменети во следните седум години.
Потоа дојде пандемијата, заклучувања, повторното отворање и неодамнешниот скок на цените на храната и пијалоците, што влијаеше на сè, од англискот појадок, па до кригла пиво. Инфлацијата во Обединетото Кралство достигна двоцифрена вредност за првпат по 40 години.
„Никогаш не сум видел толку високи цени“, вели познат главен готвач во еден од рестораните на компанијата, кој има над 30 години искуство, вклучително и речиси две децении работа со Гордон Ремзи во лондонскиот Aubergine. Синџирот на ресторани на Анџела Хартнет го вклучува ресторанот Murano со Мишелин ѕвезда, како и уште три полежерни локали Café Murano. Додека компанијата се подготвувала да ги врати тестенините со болоњезе на сезонското мени за оваа есен, директорот на компанијата Крис Јејтс, заедно со сопственичката, сфатиле дека треба да наплаќаат околу 16 фунти за предјадење и 24 фунти за главно јадење.
Пред пандемијата, трошоците за храна беа прилично стабилни, а рестораните можеа да ги контролираат цените преку внимателно планирање на менито, односи со добавувачите и користење на сопствена месарница. Тоа веќе не е опција за нив. Покрај зголемувањето на цените на состојките, Хартнет и Јејтс забележуваат вртоглаво покачување на цените на енергијата. Сопственичката купува околу 90 отсто од нејзините производи од Британија, а тие би можеле да поскапат поради летната суша.
Зголемувањето на платите, исто така, влијае на крајниот деловен резултат на Хартнет. Платите во угостителството се зголемени за 7,7 отсто, во споредба со претходната година. Исто така, Хартнет истакнува дека издавачите на простор не се вратиле по панедмијата да речат: „Еве, ќе ја намалиме киријата“. Сето ова доведе до значително зголемување на цената на храната во рестораните. Во јуни, цените во британските ресторани се зголемија за 8,6 отсто од почетокот на годината, според британската Канцеларија за национална статистика, иако износот може многу да варира од локал до локал. Угостителските бизниси очекуваат цените да се зголемат за дополнителни шест отсто оваа година, според истражување објавено во средата.
Bloomberg
Хартнет проценува дека ги зголемила цените на своето мени за 20 отсто. Стандардно предјадење со тестенини во Café Murano сега е околу 15 евра, во споредба со 12 пред пандемијата. „Никогаш не сакате на клиентите да им подметнете повисоки цени, но во овој момент поскапувањата станаа превисоки за менаџментот на рестораните и нема друг излез“, истакна таа.
„Маслиновото масло е поскапено за 20 отсто, месото е поскапо за 15 отсто“, вели Хартнет за зголемувањата што ги забележала кај клучните состојки за нејзиното говедско рагу. Повеќето болоњезе сосови содржат мелено месо, додека Хартнет сецка парчиња говедско и телешко или свинско месо за повкусен сос. Најголем скок на цените има кај сувите тестенини, кои во јуни поскапеле за повеќе од 31 отсто во однос на 2021 година, а најмалку поскапел кромидот, кој овој јуни бил поскап за 8,5 отсто од лани.
„Зошто тестенините стануваат толку скапи? Само помислете дека се направени од пченица. Војната во Украина врши дополнителен притисок врз глобалните резерви, особено пченицата, што доведува до повисоки цени за многу основни производи“, вели Ендрју Опи, директор за храна и одржливост во British Retail Consortium.
Она што би можело да биде утешна вест за некои готвачи е цената на морковите, кои се за 1,4 отсто поевтини од минатата година, покажуваат податоците на ONS. Тука е и цената на конзервираните домати, која остана речиси непроменета.
И покрај зголемената цена, јадењето е уште попопуларно во Британија. Во луксузната продавница за мешовита стока Waitrose, продажбата на сос болоњезе ова лето е за 26 отсто поголема отколку во 2019 година, посочува компанијата.
Хартнет смета дека клиентите допрва ќе почнат да се жалат. „Сепак, тие знаат дека не работиме од алчност или за да платиме уште еден одмор. Поскапувањата се прават за да го одржат бизнисот профитабилен“.
.webp){kind=icon}
